Каражат жоктугунан 23 жылдан бери чыкпай келген "Манас" эпосу басылып чыкты

© Sputnik / Э. Вильчинский / Медиабанкка өтүүКаражат жоктугунан 23 жылдан бери чыкпай келген "Манас" эпосу басылып чыкты
Каражат жоктугунан 23 жылдан бери чыкпай келген Манас эпосу басылып чыкты - Sputnik Кыргызстан
Жазылуу
Саякбай Каралаевдин айтуусундагы "Манас" эпосунун академиялык басылмасы жарык көрдү.

Свякбай Каралаев - Sputnik Кыргызстан
Кыргыз Гомери Каралаевдин маарекеси эл аралык деңгээлде белгиленди
БИШКЕК, 27-мар. — Sputnik. Саякбай Каралаевдин айтуусундагы 1992-жылы эле даярдалган "Манас" эпосунун академиялык басылмасы толук жарык көргөнүн Улуттук илимдер академиясынын маалымат кызматы билдирди.

Маалыматка ылайык, улуу манасчы Каралаевдин вариантындагы эпостун үчилтигинин басылышы 1992-жылы Адабият жана көркөм өнөр таануу институтунда башталып, кийин Манас таануу жана көркөм маданият улуттук борборунда жана Чыңгыз Айтматов атындагы Тил жана адабият институтунда уланып, даярдалып бүткөн. Бирок, каражат тартыштыгынан жарыкка чыкпай келген.

"Манас" эпосун элге жайылтуу максатында түзүлгөн Улуттук программаны ишке ашыруу үчүн өкмөт былтыр 1 миллион сом бөлүн, ал каражаттан эпос "Турар" басмаканасынан 1000 нуска менен жарык көрдү. Китепти басмага Айнек Жайнакова жана Райкул Сапарбеков даярдап, ага Абдылдажан Акматалиев баш редакторлук кылган. 

"Саякбай Каралаевдин вариантындагы "Манас" эпосу академиялык 4-китеп болуп чыкты. Бул китеп илим чөйрөсүндөгүлөр, окумуштуулар үчүн абдан пайдалуу. Буга чейин элге багытталган көркөм популярдуу чоң китептери чыккан", — деди Айнек Жайнакова.

Академия кызматкери учурда Каралаевдин вариантындагы "Семетей" эпосунун академиялык биринчи китеби даяр экенин, каражат болсо эле, басууга бергенге даяр турганын кошумчалады.

Жаңылыктар түрмөгү
0