БИШКЕК, 25-мар. — Sputnik. Кыргызстандын борбору Бишкек шаарында Жеӊиштин 70 жылдыгына арналган эл аралык "Эскерүү эстафетасы" жараяны өтүп, жол басып келген "Өчпөс отторго" Жеңиш аянтындагы от да кошулуп, андан ары сапар алат.
Бул демилге КМШ Парламенттер аралык ассамблеясына (ПАА) таандык. Аталган акциянын алкагында Бишкек шаарынын "Жеӊиш" аянтындагы Өчпөс оттун тамызгысын алуу аземи жана "Жашыл толкун" жараяны – Улуу Ата мекендик согуштагы Жеӊиштин 70 жылдыгына арналган көчөт отургузуу иш-чарасы болот.
"Жашыл толкун" жараяны ушул жылдын 11-мартында Белоруссиянын Минск шаарында башталып, андан ары Баку (Азербайжан), Кишинёв (Молдова) шаарларында уланган.
Жеңиштин 70 жылдыгына карата "Эскерүү эстафетасы" жана "Жашыл толкун" акцияларын КМШнын Парламенттер аралык ассамблеясы (ПАА) менен бирдикте Бишкек шаарында өткөрүү боюнча уюштуруу комитетин ЖКнын төрагасынын орун басары Төрөбай Зулпукаров жетектейт.
Март айынын башында аталган акцияларды өткөрүүгө даярдыктар боюнча уюштуруу комитетинин биринчи жыйыны болгон.
