БИШКЕК, 23-мар. — Sputnik. Таластагы Жерүй кенин иштетүү боюнча конкурска үч арыз келип түшкөнүн Геология жана минералдык ресурстар боюнча мамлекеттик агенттиги билдирди.
Жерүй алтын кени боюнча ведомстволор аралык конкурстук комиссия конкурс өткөрүүнү 20-февралда жарыялап, арыздарды кабыл алуу 23-мартка чейин улантылган. Конкурстун жыйынтыгы 2015-жылдын май айында тендердин жыйынтыгы менен аныкталат.
Жерүй кенин иштетүү боюнча "Восток-геолдобыча", "Алданзолото ГРК" жана "Кыргызалтын" ачык акционердик коомдорунан арыз келип түшкөн.
Талас облусунда жайгашкан бул кен жайы алтындын запасы боюнча Кумтөрдөн кийин эле экинчи орунда турат. Алдын ала маалыматтар боюнча, алтындын кору 100 тоннага чейин жетет.
