БИШКЕК, 17-мар. — Sputnik. Алмазбек Атамбаев Европанын алдыңкы мамлекеттери – Австрия, Швейцария, Бельгия, Франция жана Германияга расмий иш сапары менен 22-марттан 1-апрелге чейин бара турганын өлкө башчынын аппаратынан Sputnik сайтынын кабарчысына билдирди.
Кыргызстандын тарыхында президент биринчи жолу Европа мамлекеттерине расмий иш сапар менен барууда.
Иш сапардын максаты – мамлекеттер ортосундагы кызматташууну жакшыртуу.
Атамбаев Австриянын, Швейцариянын, Бельгиянын, Франциянын жана Германиянын президенттери менен жолугат. Андан сырткары, Кыргызстандын президенти Европа комиссиясынын жана Европарламенттин жетекчилиги менен жолугат.
