КЭР "жаңы Silk Road" бетачарын жасайт

Жазылуу
НовостиTelegram
Долбоордо Кытай жакынкы арада курулушун баштоону пландап жаткан темир жолу, автотарсса, энергетика жана жаңы өндүрүштөрдү жайгаштыруу үчүн атайын уюштурулган аймактарды кучагына алган инфраструктуралык комплекс каралган.

БИШКЕК, 17-мар — Sputnik. Марттын аягында Кытай "Бир тилке — бир жол" деп аталып, "Европага алып баруучу кытай жолун" ишке ашыруучу долбоор менен тааныштырат деп билдирет РИА Новости "Синьхуа" агенттигине таянуу менен.

Кытайдын долбоорундагы XXI кылымдын жаңы Жибек Жолу Азия жана Африка өлкөлөрүнүн байланышын бекемдөөгө да кызмат кылышы керек.

Жол картасын КЭР Хайнань аралындагы Боаодо өтүүчү экономикалык форумда алып чыкмакчы. Аталган форум 26-29-мартта "Азиянын жаңы келечеги: тагдыры бир коомго карай кадам" деген ураан астында өтөт. Ага Азиянын эксперттик жана ишкер коомчулуктары катышмакчы. Жыйынды Кытайдын жетекчиси Си Цзиньпин алып барат.

Долбоордо Кытай жакынкы арада курулушун баштаганы жаткан темир жолу, автотарсса, энергетика жана жаңы өндүрүштөрдү жайгаштыруу үчүн атайын уюштурулган аймактарды кучагына алган инфраструктуралык комплекс каралган деп билдирет "Синьхуа" агенттиги.

Инфраструктуранын объекттерин куруу боюнча Кытайдын планына Кыргызстан, Казакстан, Тажикстан, Пакистан жана башка Кытайга коңшулаш өлкөлөр кирет.

Кытайдын "Бир тилке — бир жол" стратегиялык планын 2013-жылы өлкөнүн лидери Си Цзиньпин сунуштаган. Жакында КЭРдин тышкы иштер министри Ван И Кытайдын быйылкы жылкы "тышкы саясатындагы негизги багыт" — "Бир тилке — бир жол" долбоорун ишке ашыруу деп билдирген. Министр белгилегендей, жаңы Жибек Жолу "Евразияны кайра жаратат".

Жаңылыктар түрмөгү
0