БИШКЕК, 16-мар. — Sputnik. Алмазбек Атамбаев менен Владимир Путиндин жолугушуусу башталганын журналист Дмитрий Смирнов өзүнүн Твиттердеги баракчасы аркылуу билдирди.
Эки өлкөнүн президенттери кыргыз-орус алакасынын актуалдуу маселелерин, биргелешкен долбоорлорду ишке ашырууну жана Евразиялык экономикалык биримдигинин алкагында кызматташууну талкуулашат.
Россия, Беларусь жана Казакстан 2014-жылдын 29-майында Астана шаарында Евразиялык экономикалык биримдик түзүү жөнүндө келишимге кол коюшкан. Ал 2015-жылдын 1-январынан тарта күчүнө кирген. 2-январда ЕАЭБге Армения да кошулган. Май айында Кыргызстандын да кошулушу күтүлүп жатат.
Встреча Путина и Атамбаева началась pic.twitter.com/Fv9mLwy9dw
— Дмитрий Смирнов (@dimsmirnov175) 16 Март 2015
