БИШКЕК, 30-янв — Sputnik. "Газпром" Кыргызстандын 60% аймагын газ менен камсыздайт", — деп "Газпром промгаз" компаниясынын башкы директору Юрий Спектор өкмөттүн кезексиз жыйынында билдирди.
Анын айтымында, өлкөнүн ар бир аймагы газ менен камсыздалат.
"411 калктуу пункт жана 845 миңден ашык батир менен үйлөр газ менен камсыздалат. Газ тармактарынын жалпы узундугу 2 миң 750 чакырымды түзөт. Ошондой эле, Ысык-Көл менен Нарын облустарын автономдуу түрдө газ менен камсыздоо шарттары да каралып жатат", — деди Спектор.
"Газпром промгаз" компаниясынын башкы директору белгилегендей, Кыргызстанда газомотордук транспортту да өнүктүрүү күтүлүүдө. Долбоор 2030-жылга чейин эсептелген.
