БИШКЕК, 21-янв — Sputnik. Москва областынын Климовск шаарында "Андроид техникасы" ИӨБ менен Келечектүү изилдөөлөр фонду биргелешип иштеп чыккан робот-аватар көрсөтүлдү. Ал оператор тарабынан аралыктан башкарылат деп билдирет РИА Новости.
Оператордун колу-бутуна бекитилген атайын белги бергичтер роботту аралыктан туруп башкарууга мүмкүндүк берет. Ал эми робот өз башкаруучусунун кыймылын так кайталайт. Ошол эле учурда оператор андан жашыруун жерде же бир топ алыс аралыкта турушу мүмкүн.
Аны ойлоп табуучулар робот адам үчүн түзүлгөн инфраструктурада мүмкүн болушунча өзүн адамдай алып жүрүшүн көздөшкөн. Ал авто- жана мотоунааларын айдап, жолсуз жерлерде жүрүп жана биринчи медициналык жардам көрсөтө алышы керек.
Роботтон тышкары, Россиянын башчысына десантчылар менен жөө аскерлердин пайдаланууга киргизилген жана жаңы иштелип чыккан заманбап кийим-жабдууларын, ок атуучу курал-жабдыктар менен техниканы, снайпердик куралдарды көрсөтүштү.
