Антироссиялык резолюцияга каршы петиция 15 миңдей кол топтоду

БИШКЕК, 11 дек — Sputnik. АКШнын мурдагы конгрессмени Деннис Кусинич Конгресстин эл өкүлдөр палатасы кабыл алган антироссиялык 758-резолюцияга каршы петицияны жарыялады, деп билдирет РИА Новости DIY RootsActio сайтына таянуу менен. 

DIY RootsAction сайтында жарыяланган петиция ушул жаңылык жазылып жаткан учурда 14 миң 600 кол топтогон. Петициянын максаты — "жакында эле Конгресстин эл өкүлдөр палатасы кабыл алган 758-резолюциядагы чараларды жокко чыгаруу". Анда "758-резолюция фактыларды бурмалап, АКШ өзү күнөөлүү болгон иш-аракеттерди жүзү каралык менен айыптап, Россия менен кастык мамилелерди жаратууну максат кылат" деп белгиленген. 

Петициянын автору Кусинич буга чейин "Россия менен "суук" да, "ысык" да согушка жол жок" деген аталышта ачык кат жарыялаган болчу. Катта резолюциянын долбоорунда РФтин дарегине көптөгөн нааразычылыктар жана таарынычтар тизмектелгендигин, бирок, Россия АКШга так ушундай эле айыптоолорду такса боло тургандыгы белгиленген. 

758-резолюция Эл өкүлдөр палатасы тарабынан бейшембиде, 4-декабрда, кабыл алынган. Ал Россиянын бир катар мурдагы советтик республикаларга карата саясатын айыптайт, ошондой эле Обаманын администрациясынан РФга каршы санкцияларды киргизүүнү улантууну талап кылат. Документте буга чейин эле Москва бир нече жолу четке каккан айыптоолор да камтылган.