БИШКЕК, 10-дек – Sputnik. Sputnik 10-декабрда Кыргызстанда өзүнүн мультимедиалык хабын ишке киргизди. Ишке киргизилген Sputnik Кыргызстан биринчи тапта Sputnik радиопрограммасын обого чыгарат жана берүүлөр орус жана кыргыз тилдеринде жүргүзүлөт. Sputnik Кыргызстан республикадагы бир да маанилүү окуяны көңүлдөн тышкары калтырбайт. Саясат, экономика, социалдык тармак, маданият жана спорт маалыматтык материалдардын жана радиоберүүлөрдүн туруктуу темалары болмокчу.
Sputnik Кыргызстан өзүнүн ишинде маалыматты объективдүүлүк менен берүүнү эң негизги принцип катары колдонот. "Биз Кыргызстанды чоң мүмкүнчүлүктөрү бар жана келечеги кең өлкө катары тааныткыбыз келет", — деп айтты Sputnik Кыргызстандын жетекчиси Елена Череменина.
"Жакында Кыргызстан Бажы биримдигине кирүүгө ниеттенүүдө. Бул кадам экономикалык жаткан өнүгүү үчүн чоң мүмкүнчүлүктөрдү ачат. Россия — стратегиялык өнөктөш, Sputnik бүгүнкү күндүн турмуш чындыгын айтып берет. Биздин ресурс республикада болуп жаткан окуяны аңдап-түшүнүүнүн негизги куралы болуп калмакчы", — деп эсептейт Череменина.
Sputnik мультимедиалык тобу – бул ондогон өлкөлөрдө заманбап мультимедиалык борборлорун камтыган жана чет өлкөлүк аудиторияга багытталган маалымат бренди. Sputnik берген маалыматтын сапаты анын журналисттеринин жогорку кесипкөйлүгү, маалымат контентинин эксклюзивдүүлүгү жана тездиги, дүйнөлүк окуялар боюнча темаларды терең изилдеп ар тараптуу иштеп чыгуу, ошондой эле материалдарга болгон бир тараптуулукка жол берилбестен, объективдүү мамиле кылуу менен аныкталат.
