БИШКЕК, 26-ноя — Sputnik. "Тазалык" муниципалдык ишканасы түнү менен шаардын жолдорун тазалады. Бул тууралуу Бишкек мэриясынын басма сөз кызматы билдирди.
Мэриянын маалыматына ылайык, муниципалдык кызмат кечээ, кечки саат 16-00дө тазалоо иштерин баштап, ал таңкы саат 7.30га чейин улантылган.
Шаардык кызматтын мобилдүү тобу 552 тонна кум, 42 тонна тузду жолдорго сепкен. Кум чачуучу 18 даана техника, 4 жүктөгүч, тротуарларды тазалаган 5 трактор жана "Тазалык" ишканасынын 32 кызматкери тартылган.
