Трамп ноябрга белгиленген президенттик шайлоону жылдырууну сунуштады

© REUTERS / LEAH MILLISАКШ президенти Дональд Трамп
АКШ президенти Дональд Трамп  - Sputnik Кыргызстан
Жазылуу
Шайлоо үстүбүздөгү жылдын 3-ноябрына белгиленген. Ушу тапта АКШда шайлоонун пандемия маалында кандай өтөрү тууралуу кызуу талкуу жүрүп жатат.

БИШКЕК, 30-июл. — Sputnik. АКШ президенти Дональд Трамп күзгүгө белгиленген президенттик шайлоонун күнүн жылдырууну сунуштады. Бул тууралуу өлкө башчынын Twitter баракчасына таянуу менен РИА Новости жазды.

Маалыматта өлкө башчы мындай өзгөрүүнү коронавирус пандемиясы менен байланыштырып, добушту почта аркылуу берүүдөн оолак болуу керектигин белгилеген.

Жигитчилик кылгыла! Жээнбеков шайлоону жылдыруу боюнча пикирин билдирди

"Эгер добуш почта аркылуу бериле турган болсо, 2020-жылы өтчү шайлоо тарыхтагы эң ыплас жана так эмес шайлоо болуп калат. Бул АКШнын беделине шек келтире турган нерсе. Балким шайлоону эл кадимки тартипте добуш берчү маалга жылдырарбыз???" — деп жазган Трамп.

Ушу тапта АКШда ноябрга белгиленген шайлоонун пандемия маалында кандай өтөрү тууралуу кызуу талкуу жүрүп жатат. Буга чейин Трамп почта аркылуу добуш берүү ыкмасын сындап, жыйынтыгы бурмаланарын айткан болчу.

Жаңылыктар түрмөгү
0