БИШКЕК, 27-сен. — Sputnik. АКШнын лидери Дональд Трамптын Россиянын башчысы Владимир Путин тууралуу сөзү Украинанын президенти Владимир Зеленскийге терс таасирин тийгизди.
Видео Нью-Йоркто өткөн БУУнун Башкы ассамблеясынын жалпы саясий дебаттарынын 74-сессиясында тартылып, "ВКонтакте" тармагына жарыяланды.
Трамп "Сиз президент Владимир Путин менен бир ыркка келип, көйгөйдү чечесиздер деп чын жүрөктөн ишенем. Бул болуп көрбөгөндөй жетишкендик болот. Силер ушуга аракет кылып жатканыңарды да билем" деген.
Трамптын мындай кебин уккан Зеленскийдин өңү өзгөрө түшкөн. Алып баруучу Ольга Скабеева дагы ушул фактыга көңүлүн буруп, видеосун Telegram-каналына жүктөгөн. Тасмада Трамп украиналык кесиптеши аны мындан дагы таанымал кылганын айткан.
Журналист Трамп муну менен Зеленскийди сөз менен чымчып, какшыктады деп божомолдоду.
