02:56 27 Жетинин айы 2020
Түз эфир
  • USD84.7990
  • EUR101.0465
  • RUB1.1239
Дүйнөдө
Кыскача шилтеме алуу
Кемерово шаарындагы соода-комплексиндеги өрт (20)
138520

Кароолчу жети жылга чейин эркинен ажыратылышы мүмкүн

БИШКЕК, 27-мар. — Sputnik. Кемерово шаарындагы соода борборунан өрт чыккан маалда сигнализацияны өчүрүп койгон кароолчу кармалгандыгын РИА Новости агенттиги жазды.

Төргөө комитетинин өкүлү Светлана Петренконун айтымында, шектүү катары беш адам кармалып, сурак беришти. Алардын арасында жеке күзөт ишканасынын кызматкери дагы бар.

Тергөөчүлөр имаратка ээлик кылган компаниянын техникалык директорун, өрт чыккан имаратты ижарага алып иштетип жаткандарды жана өрт сигнализациясына жооп берген мекеменин жетекчиси менен кызматкерин суракка алды.

РИА Новости агенттигине укук боюнча адис Алексей Синицындин билдиргенине караганда, сигнализацияны өчүрүп койгон кароолчу кылмыш жоопкерчилигине тартылышы мүмкүн.

"Кароолчуга Россиянын Кылмыш жаза кодексинин 219-беренеси (өрт коопсуздугунун талаптарын бузуу) боюнча кылмыш иши козголушу ыктымал. Бул өтө оор кылмыш, адам жети жылга чейини эркинен ажыратылат", — деди адис.

Россиянын Кемерово шаарындагы "Зимняя вишня" деп аталган ири соода борборунда жекшемби күнү өрт чыккан. Кырсыктын кесепетинде балдарды жана чоңдорду кошкондо 64 адам каза болду. Дагы 13 адам ооруканага жаткырылды.

Кийинчерээк Кыргызстандын Тышкы иштер министрлиги өрт чыккан жерде кыргызстандыктар жабыр тартпаганын билдирген.

Кемероводо чыккан өрт Россияда акыркы 19 жыл ичинде катталган ири төрт өрттүн бири болуп эсептелет. Эске салсак, 1999-жылы Самара шаарындагы милиция бөлүмүндө чыккан тилсиз жоодо 57 адам каза тапкан. 2007-жылы Краснодар аймыгандыга карылар үйүндөгү кырсыкта 63 адам, 2009-жылы Пермдеги "Хромая лошадь" түнкү клубунда 153 адам өлгөн.

Тема:
Кемерово шаарындагы соода-комплексиндеги өрт (20)

Тема боюнча

Кемероводогу каргаша. Сооронбай Жээнбеков Владимир Путинге көңүл айтты
Кемероводогу өрттөн жапа чеккендер арасында КР жарандарынын бар-жогу такталды
Кемероводогу соода борборундагы өрттөн каза тапкандардын саны 37ге жетти
Белгилер:
тергөө, кароо, Кемерово

ЭҢ МААНИЛҮҮ