БИШКЕК, 2-фев. – Sputnik. 4,9 миллиондон ашуун адам АКШнын жаңы президенти Дональд Трамптын жүргүзө турган саясатына каршы кол топтой баштады. Бул туурасында РИА Новости Avaaz деп аталган кыймылдын коомдук сайтына шилтеме кылып билдирди.
27-январда АКШнын президенти Трамп Американын качкындарды кабыл алуусун 120 күнгө токтоткон жана өлкөгө кирүү эрежелерин татаалдаткан Жарлыкка кол койгон. Трамптын сөзүнө караганда "экстремалдуу тандоо" деп аталган бул документтин максаты — "радикалдашкан мусулман-террорчуларды" өлкөгө киргизбөө эле.
Жарлыкта Ирак, Иран, Судан, Йемен, Ливия жана Сомали мамлекеттеринин жарандарынын кирүүсүнө 90 күнгө, ал эми сириялык качкындардын келишине 120 күнгө чейин тыюу салынган.
"Дүйнө учурда коркунучка кептеген учурларды, жек көрүүчүлүктү жана сабырсыздыкты четке кагууда" — деп айтылат маалыматта.
Жарлык чыккандан бери бир топ америкалык жарандар менен уюмдар Трамптын бул чечимине нааразы экендигин билдирип келишет.
