14:03 02 Бештин айы 2021
Түз эфир
  • USD84.7969
  • EUR95.9477
  • RUB1.1463
Видео

1,5 млрд. сомго реконструкция болгон Тарых музейи кандай өзгөргөн? Видео

Кыскача шилтеме алуу
1027 0 0
© Sputnik / Эмиль Садыров

Кыргызстандыктар көптөн күткөн Улуттук тарых музейи акыры ачылды. Sputnik Кыргызстан агенттиги жаңы жасалган музейдин ичин тартканча чыр болгон ат, отургучтарды көрүп келди.

Киргенде эле көзгө бак-даракты элестеткен, бир даанасы 600 евро турган инсталляция урунат. Жаркыраган, жарыктандырылган зал. Чыр болгон аттын манекендери да биринчи кабатка коюлуптур. Экинчи кабатта тарыхый инсандар үчүн жасалган бурч, эски буюмдар, көз жоосун алган салттуу кийимдер, зер буюмдар турат. Музей жетекчиси Гүлбара Абдыкалыкова баарына жаңы витрина коюлганын, алар өтө баалуу экенин белгиледи.

Мастер-класс өткөрүү үчүн заманбап бөлмөлөр, кинозал, мультимедиалык жабдуулар музейдин көркүн ачкан.

Эске салсак, 2016-жылы Тарых музейин жасоого 1 миллиард 600 миллион бөлүнгөн. Бул каражатка музейге өтө кымбат баада эмерек, экспонаттар алынганын эл өкүлдөрү айтып чыккан.

Кийин УКМК Тарых музейин реконструкциялоого кеткен бюджеттик каражат боюнча териштирүү баштап, Башкы прокуратура кылмыш ишин козгоп, иш сотко өткөн. Ал соттук иштер азыркыга чейин бүтө элек.

Музей иштебей жатканына дагы бир себеп болгон. Тагыраагы, Архитектура, курулуш жана турак жай-коммуналдык чарба мамлекеттик агенттиги курулуш иштерине немец компаниясын тартып, ага 19 миллион сомдун тегерегинде карыз болуп калган. Ал карыз эми гана төлөнүп, музейдеги мультимедиалык жабдуулар иштей баштады.

Эмнеси болсо да Тарых музейи ачылды. Эртең, 20-ноябрдан тарта, 10 күнгө чейин каалоочулар маданий жайга акысыз кире алышат.

Тема боюнча

Венесуэлада 12 миң музыкант Чайковскийдин маршын ойноду. Видео
Белгилер:
Мамлекеттик тарых музейи, экспонат, эмерек, видео, ачылыш, маданият

Дагы видео

ЭҢ МААНИЛҮҮ