16:42 23 Баш оона 2019
Түз эфир
  • USD69.7882
  • EUR77.2311
  • RUB1.0638
Видео

Атамбаевдин үйүнө кире албай койгон министрдин орун басары. Видео

Кыскача шилтеме алуу
Алмазбек Атамбаев статусунан ажыратылды (34)
3207 0 0
© Sputnik / Нурис Алымбаев

Каниметов журналисттерге Атамбаевдин үйүнө "сотко чейинки тергөө иштеринин алкагында" келгенин билдирди.

Ички иштер министринин орун басары Мирлан Каниметов мурдагы президент Алмазбек Атамбаевдин Кой-Таш айылындагы үйүнө келди.

Ал Кой-Таш айылына ИИМдин тергөө тобунун жетекчиси менен чогуу барган. Каниметов менен Атамбаевдин кеңешчиси Кундуз Жолдубаева жолукту. Ага тергөөчүлөр Атамбаевди кримтөбөл Азиз Батукаевдин бошотулушу боюнча иштин алкагында суракка алганы келишкенин айтышты.

"Кайсы иш боюнча келгенимди айтып коёюн. Атамбаевди Азиз Батукаевдин мыйзамсыз бошотулушу боюнча күбө катары суракка алалы дегенбиз", — деди Каниметов.

Өз кезегинде Жолдубаева буга чейин үч ирет келген билдирүү каттарынын баары мыйзамсыз экенин белгиледи. Андан сырткары, Жогорку Кеңештин Атамбаевди экс-президент статусунан ажыраткан чечимин Конституциялык палатага даттанышканын маалымдады.

"Бийлик мыйзам жолуна түшмөйүнчө Атамбаев бир да суракка барбай турганын айткан. Арызды ноябрь айында карашат. Ага чейин Атамбаев милицияга басып да барбайт", — деди ал.

Министрдин орун басары журналисттерге Атамбаевдин үйүнө "сотко чейинки тергөө иштеринин алкагында" келгенин билдирди. Ал ошондой эле "Атамбаевди күч менен алып баруу болобу?" деген суроого, "бардыгын тергөөчү мыйзам негизинде чечет" деп жооп берди.

Тема:
Алмазбек Атамбаев статусунан ажыратылды (34)

Тема боюнча

Атамбаевдер аны "кармоого" каршылык көрсөтүүгө кантип даярданып жатышат. Сүрөт
ИИМ Атамбаевди күч менен кармоо боюнча тараган билдирүүгө үн катты
Белгилер:
Кой-Таш, ИИМ, Алмазбек Атамбаев

Дагы видео

ЭҢ МААНИЛҮҮ