23:32 17 Баш оона 2018
Түз эфир
  • USD69.4557
  • EUR79.1552
  • RUB1.0386
© Sputnik / Эмиль Садыров

Эки жыл мурда интернетти жарган жаш кикбоксчулар эсиңиздеби? Учурда алар Бишкекте машыгууда. Балдардын улуусу Арлет Италияда өтө турчу дүйнө чемпионатына жолдомо уткан. Бирок каражат жетишсиздигинен улам мелдеш үзгүлтүккө учураганы турат.

Балдардын атасы, машыктыруучусу Бакытбек Атакановдун айтымында, убагында видеороликти беш миллионго чукул адам көргөн. Дүйнөнүн булуң-бурчунан, айрыкча Россия, КМШ мамлекеттеринен жазып, атургай чалышкан. Чет элдиктер да жазып, тилин түшүнбөгөндө сөздүктөн карап, комментарийлерге жооп бергенин айтат. 

Талгат Бакиев
Казак интернет айдыңын жарган кыргыздар. Бешиктеги баланын бек болору

Азыр балдардын улуусу Арлет 17 жашта, КРдин жети жолку чемпиону, спорт чеберине талапкер болду. Элбурс 10до, эки жолку чемпион. Кенжеси Азирет 8 жашта, мелдештерге катышып жаткан чагы. Ошондой эле спортчулар бир канча эл аралык турнирлердин жеңүүчүсү.

Атакановдор жарым жыл мурда борборго көчүп келген. Учурда Кикбокс федерациясынын президенти Александр Воинов менен курама команданын башкы машыктыруучусу Тахир Муратовдун колунда машыгып жаткан чагы.

"Өзгөндүн Прогресс айылынан болобуз. Арлет 11, Элбурс 5, Азирет үч жашынан тарта кикбокс менен машыгат. Азирет бешке чыкканда агасы Элбурска алакан тоскучту кармап берген видеосу интернетте абдан жакшы тарады. Аааламга жол айылдан башталат демекчи, элеттен тарта район, облустарды кыдырып мелдештерге катыштык. Мындан ары өсүш керек болду. Балдардын аркасы менен биз дагы шаар аралап келип калдык. Машыктыруучулар Александр Воинов менен Тахир Муратов балдарды өз көзөмөлүнө алды ", — деди Атаканов.

Жакынкы айларда жаш спортчуларды маанилүү мелдештер күтүп турат. Эң ириде Арлет Италияда өтө турчу дүйнө чемпионатына жолдомо уткан, визасын толтуруп жатат. Бирок атасы үчүн үч баланы мелдешке даярдоо кыйын болууда.

"Буюрса Арлет 12-августта Өзбекстанда өтө турчу Азия чемпионатына барат. Ал эми сентябрдын ортосунда Италиядагы дүйнө чемпионатына катышат. Мелдешке жолдомо уткан, азыр визаларды толтуруп жатабыз. Каражат табылып калса көздөгөн максаттар ишке ашат деп ойлойм. Ал ортодо үч балам тең Руслан Абасовдун элесине арналган эл аралык турнирге катышат. Бир үй-бүлөдөн бир спортчу чыкса чыгымын көтөрүү оңой. Ал эми үч баланы машыктырып, мелдешке алып баруу жеңил эмес экен", — деди Атаканов.

Ал ошондой эле мелдешке даярдыктар мыкты болуп жаткандыгын кошумчалады.

Келечекте уулдары дүйнө чемпиону болуп, эл жерине кызмат кылат деген ишеними чоң.

Тема боюнча

Орзубек Назаров рингдеги сырын ачты. Кайталангыс мастер-класстын видеосу
Бүк түшүргөн соккулар… Азиянын мыкты кикбоксчулары кантип аныкталды
Казак интернет айдыңын жарган кичинекей кыргыз кикбоксчулар
Белгилер:
видео, кикбоксинг, чемпион, балдар, Бакытбек Атаканов
Колдонуу эрежелериПикирлер

Дагы видео

ЭҢ МААНИЛҮҮ