03:22 22 Чын Куран 2018
Түз эфир
Видео

АКШда зордуктоодон коргой турчу "акылдуу" билерик жасалды

Кыскача шилтеме алуу
484 0 0
© YouTube/ University of Alabama at Birmingham

Билерик Bluetooth аркылуу телефонго байланышып, тийиштүү кызматтарга кабар берет

Америкалык окумуштуулар аялдарды зордуктоодон жана тоноодон коргой турчу атайын билерик жасады. Бул тууралуу Алабама университетинин расмий сайтында маалымдалды.

"Кооптуу кырдаал болгон учурда 911 кызматын чакыруу үчүн атайын тиркемени колдонуп же атайын баскычты басканга туура келет. Башына иш түшкөн киши буларды да жасай албай калышы толук ыктымал", — деген пикирин изилдөө тобунун мүчөсү Рагиб Хасан билдирди.

Андыктан окумуштуулар жогорудагы көйгөйдү чечүү үчүн атайын билерик жасаган. Ал аялга кол салуу же зордуктоого аракет болгон учурда Bluetooth аркылуу телефонго байланышып, тийиштүү кызматтарга кабар берет.

Билекке тагылчу буюм кишинин жүргөн жерин, ордунда турганын же жерге жатып калганын да аныктай алат. Ошондой эле билериктен катуу үн чыгат, бул өз кезегинде башкалардын да көңүлүн бурат.

Окумуштуулар аталган билерик майыптар менен кары-картаңдарга да пайдасы тиерин айтышууда.

Тема боюнча

Адам кантип уктаганда түшү оңолору белгилүү болду
Белгилер:
Окумуштуулар, зордуктоо, АКШ
Колдонуу эрежелериПикирлер

Дагы видео

ЭҢ МААНИЛҮҮ