10 Чын Куран 2018, 12:26
Жээнбековду Анкара шаарындагы "Эсенбога" эл аралык аэропортунан Түркиянын вице-премьер-министри Хакан Чавушоглу, Анкара облусунун губернатору Эржан Топажа, Анкара шаарынын мэри Мустафа Туна, Анкара аймактык гарнизонунун начальниги Али Сиври, Түркиянын Кыргызстандагы атайын жана ыйгарым укуктуу элчиси Женгиз Камиль Фырат жана Кыргызстандын Түркиядагы атайын жана ыйгарым укуктуу элчиси Ибрагим Жунусов тосуп алды.
Аэропортто ардак кароолдун ротасы тизилген. Ал эми Анкарадагы президенттин сарайына жете бергенде Кыргызстан менен Түркиянын желегин кармаган атчандардын ардак кароолу президентти коштоп барды.
Иш сапарынын алкагында өлкө башчы түркиялык кесиптеши Ражеп Тайип Эрдоган менен жолугушту. Бир нече маселелер талкууланып, алты документке кол коюлду.
Жээнбеков бүгүн Түркиянын өкмөт башчысы Бинали Йылдырым жана парламент төрагасы Исмаил Кахраман менен тар чөйрөдө жолугушат.
