Кадыровдун уулдары казакстандык мушкер окуучунун чакырыгына жооп берди

Жазылуу
Чеченстандын башчысы Рамзан Кадыровдун Ахмад жана Адам аттуу уулдары алматылык мушкер баланы биргеликте машыгууга чакырды

Буга чейин Астананын кикбоксинг боюнча чемпиону Абай Тажибай Рамзан Кадыровдун балдары Адам жана Ахмад менен беттешип чемпиондук курду өзүнө аларын билдирген болчу. Эми Кадыровдун уулдары ага жооп кайтарганын Sputnik Казакстан жазып чыкты.

"Абай, биз сен кандай мушкер экениңди билбейбиз. Бирок силердин менеджериңер мыкты экен. Фитнес-клубуңарга жакшы жарнама кылып алды. Сен чыныгы жигит экенсиң, ушул калыптан тайба. Эгер тагдыр буйруса тордон көрүшөбүз, ал эми жашоодо бир тууган бойдон калабыз. Республикага кел, эшигибиз ар дайым конокторго ачык", — деди Ахмад Кадыров.

Турнир по кулатуу-эртаймашу по правилам смешанных единоборств WEF Selecion 7 - Sputnik Кыргызстан
WEF Global 11 турниринде кимдер кыл чайнашат? Мушкерлердин файткарды
Ал эми анын бир тууганы Адам казакстандык мушкерди биргеликте машыгууга чакырды.

"Абай, сен Казакстанда жашаганың менен биздин беттештерге көз салып турганыңа кубанычтамын. Казактар бизге бир тууган эл. Ал эми чакырык боюнча айта турган болсом, биринчиден, экөөбүздүн салмак категориябыз түрдүү, экинчиден сен аралаш мушташ боюнча бир да жолу беттешип көрбөпсүң. Биздин клубга келип кет, чогуу машыгып, дос бололу", — деди Адам.

Ал арада 10 жаштагы өзбекстандык спортчу казакстандык Абай Тажибайды беттешке чакырууга жетишти.

Жаңылыктар түрмөгү
0