Тема боюнча жаңылыктар маек

Буга чейин Россиянын НТВ телеканалынын "Жди меня" берүүсү латвиялык Бахтияр 27 жылдан кийин кыргыз энесин таап, аны менен биринчи жолу көрүшкөн видеосун жарыялаган.

Ысык-Көл облусундагы айылдардын биринде жөнөкөй дыйкандын үй-бүлөсүндө чоңойгон Кайрат Сабыров учурда Америка Кошмо Штаттарындагы Калифорния университетинде иштеп келет. Химия илимдеринин доктору 10 жылдан бери ал жакта билим алып, жашайт.

Жиу-житсу боюнча Чехияда өткөн дүйнө чемпионатына кыргызстандык Эрали Аскарбек уулу эки баласы менен барып, алтын утуп кайтышты. Спорттун тарыхында дүйнөдө биринчи жолу ата-бала бир аренада чемпион болгонун айтышат. Мындан сырткары, экинчи уулу дагы бир күмүш медаль уткан.

Кыргызстандык Эмил Токтомышев келинчеги Назгүл Мыйтанова менен Москвага мигрант катары келип, бирок кино дүйнөсүнө аралашып кеткен. Экөө бир жылдан ашык убакыттан бери кара жумушка аралашпай, жалаң гана тасмага тартылуу менен алектенишет.

Быйыл 22 жаштагы Акылай Батырбекова Кыргызстандын жаштарынын атынан Бириккен Улуттар Уюмунун отурумуна катышат. Төрт тилде эркин сүйлөгөн студент кыз азыр Москва мамлекеттик эл аралык мамилелер институтунда магистратурада билим алып келет.

Нуркыз Караева өлкөдөгү тажрыйбалуу алып баруучулардын бири. Ал он жылдан ашык убакыттан бери коомдук биринчи каналдын "Замана" студиясындагы таңкы берүүнү алып барып, калың элге тааныла алган.

Телефон, гаджеттерди көп көрүү көзгө зыян экенин баарыбыз билебиз. Ага карабай өзүбүз эле эмес, балдарыбызга да карматып коебуз. Жарым же бир саат эмес, күнү-түнү гаджеттен көзүн албай отурган балдар бар.

Дүйнөлүк бренддерге рекламалык ролик тарткан кыргызстандык Алтынбек Касымбаев 13 жылдан бери Кувейтте жашап келет. Ал студент кезинде эле Катардагы эл аралык Al Jazeera телеканалында тажрыйба алганга үлгүрүп, кийин араб телеканалдарында иштей баштаган.

Баткендик Астра Рахматилла кызы бала кезинен эле чет мамлекетте билим алып, мыкты компанияларда иштөөнү кыялданчу. Ойлогону ишке ашып АКШдагы мыкты делген окуу жайды бүтүп, учурда Сан-Францискодогу компаниялардын биринде бухгалтер болуп иштейт.

Зуля Тургунбекова жаш алып баруучулардын бири. Алгач НБТ, "5-канал" телекомпанияларында көңүл ачуучу программаларды алып барса, учурда СТВ каналында дикторлукту аркалап жаткан кези.

Кыргызстандык балбан Үзүр Жусупбековдун жылдызы жанып турган чагы. Ал жакында эле Кытайда өткөн Азия чемпионатында алтын медаль утту.

Мындан он жыл мурда жыныстык катнаш аркылуу ВИЧ-инфекциясын жуктуруп алгандардын саны жалпы бейтаптардын 28 пайызын түзсө, бүгүнкү күндө бул 62 пайызга жетти. Илдет жаштар арасында көбөйүүдө деп коңгуроо какты адис.

25 жаштагы Жаангер Кудуретов учурда Катар улуттук банкы менен келишим түзүп, күндүз тренингдерге катышса, кечкисин өз жумушунда иштейт.

"Кыз-Жигит Сармерден" долбоорунун эрке баласы, аккордеончу, ырчы, тамада, айтор, көп өнөрдүн ээси Талант Карагулов Sputnik Кыргызстан маалымат агенттигине маек курду.

Кыргыз киносунун эң көрүнүктүү актерлорунун бири болгон Эркин Эгембердиев өткөн жумада 34кө чыкты. Көп таланттын ээси роль жаратуу менен гана чектелип калбастан сценарий жазып, театрда спектакль коюу менен да алектенет.

Тутумдашкан кызыл жүгүрүк - толугу менен айыкпайт делген олуттуу илдет. Тышынан аллергиядай көрүнгөнү менен ички органдарды, ткандарды, нерв системасын жабыркатып, муунду сыздатып, бүтүндөй ден соолукту талкалап коюшу толук ыктымал.

Ырчы өзүнүн талантына өзү баа бере албастыгын, ага угарман журту калыс экенин айтты.

Элет жериндеги мектепти аяктаган Дастанбек Айдаралиев түрк, орус, англис тилдеринде эркин сүйлөп, төрт жылдан бери Катар өлкөсүндөгү эл аралык аэропортто иштеп келет. Ал эмгектенген аба майданы дүйнөдөгү эң мыкты беш аэропорттун катарына кирет.

Кыргызстандан чыккан UFC мушкерлер уюмунун эң жеңил салмактагы чемпиону Валентина Шевченконун мекенине болгон сапарын уюштурган Кулатуу эр таймаш федерациясынын (WEF) президенти Руслан Кыдырмышев редакцияга келип маек курду.

Бүгүн белгилүү композитор, КРдин эл артисти Калыйбек Тагаевдин туулган күнү. "Элмира", "Долон", "Ат-Башым" өңдүү өзүнүн мыкты обондору менен көпчүлүктүн жүрөгүн багындырган инсан 79 жашка толду.