https://sputnik.kg/20210321/khabib-eagle-fc-uyumu-kyrgyzstan-meldesh-otkoruu-plan-1051850355.html
Хабибдин Eagle FC уюму Кыргызстанда турнир өткөрүүнү пландап жатат
Хабибдин Eagle FC уюму Кыргызстанда турнир өткөрүүнү пландап жатат
Sputnik Кыргызстан
Мындай чечим Бусурманкул Абдибаит уулунун мыкты беттеш көрсөткөнүнөн кийин кабыл алынган. Иш-чара жай айында болушу мүмкүн. 21.03.2021, Sputnik Кыргызстан
2021-03-21T13:12+0600
2021-03-21T13:12+0600
2021-12-15T22:51+0600
жаңылыктар
кыргызстан
спорт
коом
бусурманкул абдибаит уулу
мелдеш
https://sputnik.kg/img/101470/82/1014708260_0:102:2000:1232_1920x0_80_0_0_dc40e8992b9ea1f0004703204cc464f8.jpg
БИШКЕК, 21-мар. — Sputnik. UFC уюмунун чемпиону Хабиб Нурмагомедовдун Eagle FC лигасы ушул жылдын жай айында кезектеги мелдешин Кыргызстанда өткөрүүнү пландап жатат. Бул тууралуу промоушендин президенти Шамил Завуров кечээ Россиянын Краснодар шаарында өткөн уюмдун мелдешинде журналисттердин суроолоруна жооп берип жатып айтканын кыргызстандык спорттук пабликтер билдирди.Анын белгилешинче, мелдеш жай айларына пландалууда.Бусурманкул Абдибаит уулу россиялык Владислав Королевский менен беттешип, калыстардын чечими менен жеңүүчү деп табылып, кармаш кеченин мыкты беттеши аталган.Завуров, ошондой эле, кыргыз мушкери менен атаандашы кызыктуу беттеш көрсөткөнү үчүн уюмдун тарыхында алгачкы жолу ар бирине 100 миң рубль акчалай бонус берүү чечими кабыл алынганын кошумчалаган.Бусурманкул Абдибаит уулу буга чейин М-1 Global промоушенинде беттешке чыгып келген. Ал жалпысынан 16 ирет кармашып, 13үндө уткан. Анын ичинен тогуз атаандашын нокаутка кетирген. Карьерасында үч ирет жеңилүү ызасын тартканы маалым.
Sputnik Кыргызстан
media@sputniknews.com
+74956456601
MIA „Rossiya Segodnya“
2021
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
жаңылыктар, кыргызстан, спорт, коом, бусурманкул абдибаит уулу, мелдеш
жаңылыктар, кыргызстан, спорт, коом, бусурманкул абдибаит уулу, мелдеш
Хабибдин Eagle FC уюму Кыргызстанда турнир өткөрүүнү пландап жатат
13:12 21.03.2021 (Жаңыртылды: 22:51 15.12.2021) Мындай чечим Бусурманкул Абдибаит уулунун мыкты беттеш көрсөткөнүнөн кийин кабыл алынган. Иш-чара жай айында болушу мүмкүн.
БИШКЕК, 21-мар. — Sputnik. UFC уюмунун чемпиону Хабиб Нурмагомедовдун Eagle FC лигасы ушул жылдын жай айында кезектеги мелдешин Кыргызстанда өткөрүүнү пландап жатат. Бул тууралуу промоушендин президенти Шамил Завуров кечээ Россиянын Краснодар шаарында өткөн уюмдун мелдешинде журналисттердин суроолоруна жооп берип жатып айтканын кыргызстандык спорттук пабликтер билдирди.
Анын белгилешинче, мелдеш жай айларына пландалууда.
"Биз уюмдун бир мелдешин Кыргызстанда өткөрүүнү пландап жатабыз. Анын (Бусурманкул Абдибаит уулу) мындай мыкты беттешинен кийин, албетте, өткөрөбүз. Ал кеченин башкы беттешине чыгышы керек. Эгер кыргызстандык мушкер дагы ушундай деңгээлде беттешсе, анда ал дивизиондун чемпиондук титулу үчүн чыгууга талапкер болот. Турнирди Кыргызстанда жай айында өткөрсөк болот", — деген ал.
Бусурманкул Абдибаит уулу россиялык Владислав Королевский менен беттешип, калыстардын чечими менен жеңүүчү деп табылып, кармаш кеченин мыкты беттеши аталган.
Завуров, ошондой эле, кыргыз мушкери менен атаандашы кызыктуу беттеш көрсөткөнү үчүн уюмдун тарыхында алгачкы жолу ар бирине 100 миң рубль акчалай бонус берүү чечими кабыл алынганын кошумчалаган.
"Негизи биздин уюмда эч кандай бонус каралган эмес. Мен булардын кызыктуу кармашын көрүп, экөөнө тең акчалай бонус берели деп сунуш киргиздим. Алар мындан да мыкты беттештерди көрсөтсүн деп ниет кылдык. Биз өз кезегинде колдоо көрсөтөбүз", — деген Eagle FC уюмунун президенти.
Бусурманкул Абдибаит уулу буга чейин М-1 Global промоушенинде беттешке чыгып келген. Ал жалпысынан 16 ирет кармашып, 13үндө уткан. Анын ичинен тогуз атаандашын нокаутка кетирген. Карьерасында үч ирет жеңилүү ызасын тартканы маалым.
