Көк бөрү: Манас Ниязов ойногон "Ала-Тоо" командасы жогорку лигага өттү

© Sputnik / Табылды КадырбековIII Всемирные игры кочевников. 6 день. Кок-бору (Финал). Кыргызстан — Узбекистан
III Всемирные игры кочевников. 6 день. Кок-бору (Финал). Кыргызстан — Узбекистан - Sputnik Кыргызстан
Жазылуу
Президенттин кубогу мелдешинде биринчи лигада финалга чыккан эки команда автоматтык түрдө жогорку лигага өтөт.

БИШКЕК, 23-ноя. — Sputnik. Атактуу улакчы Манас Ниязов ойногон "Ала-Тоо" командасы жана Ысык-Көлдүн "Мурас" тобу көк бөрү боюнча жогорку лигага алынды. Бул тууралуу Көк бөрү улуттук федерациясынын маалымат кызматы билдирди.

Посмотреть эту публикацию в Instagram

Публикация от Федерация Көк-Бөрү (@kokboru_federation)

Эрежеге ылайык, президенттик кубокто биринчи лигада финалга чыккан эки команда автоматтык түрдө жогорку лигага ойногонго жолдомо алышат.

"Жакында өткөн "КР президентинин кубогу – 2020" турниринде биринчи лиганын "Мурас" жана "Ала-Тоо" командалары финалга чыгып, биринчи жана экинчи орундарды ээлешкен. Эрежеге ылайык, бул командалар автоматтык түрдө жогорку лигага алынат. Ал эми буга чейин жогорку лигада ойноп келген "Бакубат-Талас", "Кара-Буура" жана "Ат-Башы" командалары биринчи лигага түштү", — деп айтылат маалыматта.

Эскерте кетсек, белгилүү көкбөрүчү Манас Ниязов "Достук" командасынан кетип, Оштун жаңыдан уюшулган "Ала-Тоо" командасына кошулган. Аны менен кошо "Достуктун" экс-капитаны Таши Майлибашев да "Ала-Тоого" өткөн.

"Ала-Тоо" уюшулганына аз убакыт болгонуна карабай биринчи лигада "Мурас" командасы менен финалга чыгып, 5:3 эсебинде утулуп экинчи орунду ээлеген

Манас Ниязов мелдеште эң көп салым салган улакчы болгон.

Жаңылыктар түрмөгү
0