БИШКЕК, 31-июл. — Sputnik. UFC уюумун эки салмактагы экс-чемпиону, канадалык мушкер Жорж Сен-Пьер уюмдун башчысы Дана Уайттын беттеш уюштуруу тууралуу айткандарына комментарий берди. Бул тууралуу ESPN Тwitter баракчасына жазды.
GSP recently re-affirmed his desire to stay retired, but the Khabib fight could lead to a change of heart 👀
— ESPN MMA (@espnmma) July 28, 2020
(via @arielhelwani) pic.twitter.com/I9kr9MQQca
UFC башчысы буга чейин Хабиб Нурмагомедовдун каалоосу боюнча анын карьерасындагы жыйынтыктоочу беттешин Жорж Сен-Пьер менен уюштурууга даяр экенин айткан.
"Шайтан алгыр! Эми гана эс алууга убакыт келди деп жатканда....", — деген канадалык спортчу.
Ал ошондой эле 24-октябрга белгиленген Хабиб Нурмагомедов менен убактылуу чемпион Жастин Гэтжинин беттеши тууралуу пикир калтырган.
"Хабиб — Гэтжи беттешин чыдамсыздык менен күтөм. Алардын экөөнө тең ийгилик!" — деген Сен-Пьер.
Гэтжи: Нурмагомедовго каршы татыктуу беттеш көрсөтүүгө убада берем
Эскерте кетсек, Сен-Пьер 2019-жылдын февраль айында расмий түрдө карьерасын жыйынтыктаганын айткан. Ал жалпысынан 28 беттеш өткөрүп, 26 атаандашын утуп, 2 ирет жеңилген.
Россиялык мушкер Хабиб Нурмагомедов жалпысынан 28 ирет октагонго чыгып, бир да жолу жеңилип көрө элек.
