Шайтан алгыр! Сен-Пьер аны Нурмагомедов менен беттештирүү боюнча үн катты

© AFP / Mike StobeUFC уюумун эки салмактагы экс-чемпиону, канадалык мушкер Жорж Сен-Пьер. Архив
UFC уюумун эки салмактагы экс-чемпиону, канадалык мушкер Жорж Сен-Пьер. Архив - Sputnik Кыргызстан
Жазылуу
Канадалык мушкер эс алдырбайт экенсиңер да дегендей комментарий айтат. Деген менен Хабиб — Гэтжи беттешин чыдамсыздык менен күтөрүн кошумчалаган.

БИШКЕК, 31-июл. — Sputnik. UFC уюумун эки салмактагы экс-чемпиону, канадалык мушкер Жорж Сен-Пьер уюмдун башчысы Дана Уайттын беттеш уюштуруу тууралуу айткандарына комментарий берди. Бул тууралуу ESPN Тwitter баракчасына жазды.

​UFC башчысы буга чейин Хабиб Нурмагомедовдун каалоосу боюнча анын карьерасындагы жыйынтыктоочу беттешин Жорж Сен-Пьер менен уюштурууга даяр экенин айткан.

"Шайтан алгыр! Эми гана эс алууга убакыт келди деп жатканда....", — деген канадалык спортчу.

Ал ошондой эле 24-октябрга белгиленген Хабиб Нурмагомедов менен убактылуу чемпион Жастин Гэтжинин беттеши тууралуу пикир калтырган.

"Хабиб — Гэтжи беттешин чыдамсыздык менен күтөм. Алардын экөөнө тең ийгилик!" — деген Сен-Пьер.

Гэтжи: Нурмагомедовго каршы татыктуу беттеш көрсөтүүгө убада берем

Эскерте кетсек, Сен-Пьер 2019-жылдын февраль айында расмий түрдө карьерасын жыйынтыктаганын айткан. Ал жалпысынан 28 беттеш өткөрүп, 26 атаандашын утуп, 2 ирет жеңилген.

Россиялык мушкер Хабиб Нурмагомедов жалпысынан 28 ирет октагонго чыгып, бир да жолу жеңилип көрө элек.

Жаңылыктар түрмөгү
0