04:55 18 Жетинин айы 2017
Түз эфир
Встреча премьер-министра Сапара Исакова с российскими боксерами Дмитрием Биволом и Сергеем Кузьминым

Сапар Исаков Ысык-Көлдө жүрүп келген россиялык мушкерлер менен жолукту

© Пресс-служба правительства / Сабыр Аильчиев
Спорт
Кыскача шилтеме алуу
149 0 0

Алар Кыргызстанга машыгуу үчүн келишкен. Премьер спортчулар менен өлкөдөгү бокстун өнүгүшүн, анын келечегин талкуулап пикир алышты.

БИШКЕК, 17-сен. — Sputnik. Премьер-министр Сапар Исаков россиялык белгилүү мушкерлер Дмитрий Бивол жана Сергей Кузьмин менен жолукту. Бул туурасында өкмөттүн маалымат кызматынан кабарлашты.

Алар Кыргызстанга машыгуу үчүн келишкен. Премьер спортчулар менен өлкөдөгү спорттун бул түрү, анын келечегин талкуулап, пикир алышты.

  • Встреча премьер-министра Сапара Исакова с российскими боксерами Дмитрием Биволом и Сергеем Кузьминым
    Премьер-министр Сапар Исаков россиялык белгилүү мушкерлер Дмитрий Бивол жана Сергей Кузьмин менен жолукту
    © Пресс-служба правительства / Сабыр Аильчиев
  • Встреча премьер-министра Сапара Исакова с российскими боксерами Дмитрием Биволом и Сергеем Кузьминым
    Алар Кыргызстанга машыгуу үчүн келишкен. Премьер спортчулар менен өлкөдөгү спорттун бул түрү, анын келечегин талкуулап, пикир алышты.
    © Пресс-служба правительства / Сабыр Аильчиев
1 / 2
© Пресс-служба правительства / Сабыр Аильчиев
Премьер-министр Сапар Исаков россиялык белгилүү мушкерлер Дмитрий Бивол жана Сергей Кузьмин менен жолукту

Бивол менен Кузьмин Ысык-Көлдөн алган таасирлери менен бөлүшүп, Кыргызстандын жаратылышына суктанганын, өлкөдөгү спорт үчүн түзүлгөн шарттар боюнча пикирлерин айтышты.

Алар эл аралык жооптуу таймаштардын алдында Ысык-Көлдө машыгуу абдан ыңгайлуу деген ойлорун билдиришкен.

Премьер-министр Сапар Исаков жабык имаратта өтө турган аскер өнөрү боюнча V Азия оюндарына катышчу спортчуларды узатуу салтанатына катышты
© Пресс-служба правительства / Сабыр Аильчиев
Премьер-министр жаңы өкмөттүн алдындагы маанилүү багыттардын бири — өлкөдөгү спортту мындан ары өнүктүрүү экендигин айтты.

Исаков 2018-жылы Кыргызстанда Көчмөндөрдүн дүйнөлүк III оюндары өтөрүн кабарлап, россиялык спортчуларды ага катышып кетүүгө чакырды.

Дмитрий Бивол Кыргызстанда туулган. Россияда жарым оор салмакта күч сынашкан кесипкөй мушкер. Спорттун эл аралык класстагы чебери, WBA (2016-ж.) боюнча дүйнөнүн учурдагы чемпиону.

Сергей Кузьмин – Россияда жарым оор салмакта рингге чыгып жүргөн кесипкөй мушкер. Спорттун эмгек сиңирген чебери.

Тема боюнча

Азиададан алгачкы медаль! Кыргызстандык мушкер Бекишев коло тагынды
Белгилер:
мушкер, Сапар Исаков, Россия
Колдонуу эрежелериПикирлер

ЭҢ МААНИЛҮҮ