БИШКЕК, 24-авг. — Sputnik. Ысык-Көлдө улуттук оюндар боюнча мелдеш өтөт. Бул тууралуу Жаштар иши, дене тарбия жана спорт мамлекеттик агенттиги билдирди.
Маалыматка ылайык, таймаш 25-августтан 31-августка чейин Чолпон-Ата шаарында өтүп, "Манас оюндары" деп аталат. Анда спортчулар көк бөрү, тогуз коргоол, ордо, салбурун, кыргыз күрөш, алыш, эр эңиш, ат чабыш, жорго салыш, кунан чабыш боюнча көч сынашат.
Спорттук иш-чара төрт жылда бир жолу өткөрүлүп, улуттук спорттун түрлөрүн өнүктүрүү жана эмиги жылы өтө турган Дүйнөлүк көчмөндөр оюндарына даярдык көрүү максатында уюштурулууда. Ага мамлекеттик казынадан 10 миллион сомдон ашык каражат бөлүндү.
