Сүйүнчү! Айсулуу Тыныбекова Азиянын чемпиону болду

© AFP / JACK GUEZОлимпиада 2016. Вольная борьба. Женщины. Весовая категория до 58кг
Олимпиада 2016. Вольная борьба. Женщины. Весовая категория до 58кг - Sputnik Кыргызстан
Жазылуу
Ал финалда индиялык спортчу Сарита менен кез келип 6:0 эсеби менен жеңишти камсыздады.

БИШКЕК, 13-май — Sputnik. Индияданын борбору Нью-Делиде өтүп жаткан Азия чемпионатында Айсулуу Тыныбекова атаандаштарын жеңип, алтын медаль тагынды. Бул тууралуу Күрөш бириккен дүйнөсүнүн расмий сайтында жарыяланды.

Кыргызстандык спортчу 58 килограммга чейинки салмак категориясында чейрек финалда казакстандык Гүлшахарат Талассованы 10:0 эсеби менен мөөнөтүнөн мурда жеңип алды. Жарым финалда япониялык спорчу Кацуки Сакагами менен беттешип, аны да мөөнөтүнөн мурда таза жеңиш менен утуп чыккан. 

Ал эми финалда индиялык спортчу Сарита менен кез келип, аны 6:0 эсеби менен утуп, Кыргызстандын байге куржунуна алдын медаль алып берди. 

Буга чейин Азия чемпионатында Самат Шырдаков менен Нургазы Асангуловдор коло медаль алышкан. 

Белгилей кетсек, ушуну менен Тыныбекова экинчи ирет Азиянын чемпиону титулуна ээ болду.

Жаңылыктар түрмөгү
0