БИШКЕК, 9-май — Sputnik. Борбор калаадагы "Ак-Кула" ат майданында Жеңиш күнүнө жана белгилүү каскадер Үсөн Кудайбергеновдун элесине арналган көк бөрү оюнунун финалы өтүп, Таластын "Ынтымак" жана Сокулуктун "Биримдик Аю" командасы күч сынашып, "Ынтымак" 1:0 эсебинде жеңишке жетти.
Көк бөрү оюндары 3-майда башталып, 11 команда күч сынашкан.
Жеңиш майрамына карата уюштурулган оюнда үчүнчү орунду "Арашан-Жылалды" командасы ээледи.
Биринчи орунга чыккан "Ынтымакка" 500 миң сом, экинчи болгон "Биримдик Аю" 250 миң жана "Арашан" командасы 150 миң сом акчалай сыйлыктар менен сыйланды.
Андан тышкары, "Мыкты улакчы" наамы Карыпбек Эшиевге ("Ынтымак") берилсе, "Мыкты ат" деп "Краз" (Кубаныч Султан уулунун аты) деген лакап ат менен белгилүү жылкы табылды.
