17:10 16 Бугу 2021
Түз эфир
  • USD84.6213
  • EUR102.6076
  • RUB1.1436
Коом
Кыскача шилтеме алуу
1115 0 0

Президент Садыр Жапаров буга чейин эл менен жолукканда укук коргоо органдарынын жетекчилери изделип жатканын билдирген.

БИШКЕК, 21-апр. — Sputnik. Жогорку Кеңештин депутаты мурдагы ички иштер министри Кашкар Жунушалиев менен УКМКнын экс-төрагасы Орозбек Опумбаевге кылмыш иши козголуп же козголбогонун сурады.

Буга башкы прокурор Курманкул Зулушев жооп берип, жеке өзүлөрүнө карата иш козголбогонун, бирок октябрь окуясы боюнча ачылган өндүрүштүн алкагында тергелип, аларга юридикалык баа берилерин айтты.

Ал эми УКМКнын Тергөө башкармалыгынын жетекчиси Сагын Самидин уулу "атайын каражаттарды колдонуу мыйзамдуулугу" боюнча бир иш козголуп, ошонун негизинде кызматтык адамдар тергелип жатканын билдирди.

Мындан улам Момбеков бир адамдын өлүмүнө, канчалаган кишинин жаракат алышына кимдир бирөө жооп бериши керектигин белгилеп, Жунушалиев менен Опумбаев учурда Москвада жүргөнүн айтты.

"Азырынча эч бир кызмат адамына айыбын угуза элекпиз. Тергөө жыйынтыкталганда маалымат беребиз. Ал адамдын өлүмүнүн себебин изилдеп жатабыз. Кулак тундуруучу гранатадан каза болдубу, ал каражат каяктан келип тийди, далилдешибиз керек", — деди Самидин уулу.

Белгилей кетсек, Садыр Жапаров президенттин милдетин аткарып турган чагында Жунушалиев менен Опумбаев изделип жатканын билдирген.

5-6-октябрдагы элдик толкундоо маалында 1 250 киши ооруканага кайрылган. Анын 279у дарыланууга жаткырылып, бир киши каза болгон.

Тема боюнча

Ташиев Кашкар Жунушалиев менен Орозбек Опумбаевдин иши тууралуу айтты
Белгилер:
Курманкул Зулушев, издөө, Орозбек Опумбаев, Кашкар Жунушалиев

ЭҢ МААНИЛҮҮ