Министрлик: Кытай вакцинасынын кыйыр таасири катталган жок

© REUTERS / STRINGERSinopharm вакцинасы. Архив
Sinopharm вакцинасы. Архив - Sputnik Кыргызстан, 1920, 25.03.2021
Жазылуу
Sinopharm ("Синофарм") — коронавирус инфекциясына каршы Кытайда алгачкылардан болуп жактырылган вакцина. Аталган вакцина менен 65 өлкөдөгү 12 миллиондон ашык киши эмделди.
БИШКЕК, 25-мар. — Sputnik. Кытай Кыргызстанга берген COVID-19га каршы SinoPfarm вакцинасынын кыйыр таасири катталган жок. Бул тууралуу Саламаттык сактоо жана социалдык өнүктүрүү министрлиги кабарлады.
Эске салсак, Кытай Кыргызстанга 150 миң доза Sinopharm препаратын бекер берген. Дары өлкөгө 19-мартта жеткирилген. Эми эмдөө 29-мартта башталмакчы.
Препараттын сактоо мөөнөтү үч жыл, 2-8 градус жылуулукта кармалат. Вакцинаны сактоого жана колдонууга шарттар бар экени белгиленди.
Биринчи этапта вакцина медиктерге, соцкызматкерлерге, укук коргоо жана күч органдарына, ден соолугу начар кишилерге, анын ичинде кары-картаңдарга сайылат.
Вакцина даярдап жаткан дарыгер. Архив - Sputnik Кыргызстан, 1920, 25.03.2021
Кыргызстанда коронавируска каршы эмдөө 29-мартта башталат
Саламаттык сактоо министрлиги коронавируска каршы эмдөө жарандардын каалоосунун негизинде жүргүзүлөрүн эскертти.
Sinopharm ("Синофарм") — коронавирус инфекциясына каршы Кытайда алгачкылардан болуп жактырылган вакцина. Ушул тапта аталган препаратты өз өлкөсү активдүү пайдаланууда. Аны бир катар чет элдик мамлекеттер да жактырган.
Препарат активсиздештирилген (өлтүрүлгөн) коронавирустун негизинде жасалганы маалым. Бул вакцина жаратуудагы эң ынанымдуу ыкмалардын бири. Буга дейре ушул эле технология боюнча, маселен, дифтерияга, В түрүндөгү гепатитке, полиомиелитке жана көк жөтөлгө (коклюш) каршы вакциналар чыгарылган.
Аталган вакцина менен 65 өлкөдөгү 12 миллиондон ашык киши эмделди.
Жаңылыктар түрмөгү
0