Учурда кайсы банктардын банкоматтары иштеп жатат. Тизме

© Sputnik / Евгений Одиноков / Медиабанкка өтүүАял банкоматтан акча алып турат
Аял банкоматтан акча алып турат - Sputnik Кыргызстан
Жазылуу
Өткөн аптадагы элдик толкундоолор маалында көпчүлүк финансы ишканалары банкоматтардан каражаттарды чыгарып кетип, жарандар накталай акча ала албай жаткан.

БИШКЕК, 12-окт. — Sputnik. Кыргызстанда банкоматтар ишин жанданттыбы? Sputnik агенттигинин кабарчылары ар бир банкка кардар катары байланышып, жооп алды.

Эске салсак, өткөн аптадагы элдик толкундоолор маалында көпчүлүк финансы ишканалары банкоматтардан акчаны чыгарып кетишкен. Кыргызстандын банктар союзунун президенти Анвар Абдраев муну 2005-2010-жылдагы башаламандык учурундагыдай каражаттар тонолуп кетпесин деген максатта жасалды деп түшүндүргөн.

Бүгүндөн тарта банктар ишин акырындык менен жандантып, көпчүлүгүнүн банкоматтары кайрадан иштей баштады.

  • FINCA банкы — бардык банкоматтары иштеп жатат;
  • “Бай-Түшүм” банкы — бардык банкоматтары иштеп жатат;
  • “РСК Банкы” — түштөн кийин бардыгы иштей баштайт;
  • “Кыргызстан” банкы — банкоматтардын айрымдары ишке кирди, калгандарына инкассатордук кызмат каражат толтуруп жатат;
  • KICB банкы — көпчүлүк банкоматтар иштей элек, качан иштээри белгисиз;
  • “Компаньон” банкы — бардык банкоматтары иштеп жатат;
  • “Кыргызкоммерцбанк” — башкы кеңседеги банкомат гана иштеп жатат, жакында бардыгы ишке киришет;
  • “Керемет Банк” — айрым банкоматтары иштеп жатат;
  • “Оптима Банк” — бардык банкоматтары иштеп жатат;
  • "Кыргыз-Швейцариялык Банк" — банкоматтар иштей элек, качан ишке кирери белгисиз;
  • “Азия Банк” — бардык банкоматтары иштеп жатат;
  • “Айыл Банк” — бардык банкоматтары иштеп жатат;
  • “Аманбанк” — бардык банкоматтары иштеп жатат;
  • “Бакай Банк” — банкоматтардын айрымдары ишке кирди, калгандарына инкассатордук кызмат каражат толтуруп жатат;
  • Пакистан улуттук банкынын Бишкек филиалы — банкоматтар иштей элек;
  • “Демир Кыргыз Эл Аралык Банкы" — көпчүлүк банкоматтар иштеп жатат;
  • “Дос-Кредобанк” — банкоматтар иштей элек;
  • "Евразиялык Сактык Банкы" — жалгыз банкоматы бар, ал иштеп жатат;
  • “Капитал Банк” — бардык банкоматтары иштеп жатат;
  • “Толубай Банк” — бардык банкоматтары иштеп жатат;
  • “ФинансКредитБанк” – бардык банкоматтары иштеп жатат;
  • “Халык Банк Кыргызстан” — түштөн кийин бардыгы иштей баштайт;
  • “ЭкоИсламикБанк” — бардык банкоматтары иштеп жатат.
Жаңылыктар түрмөгү
0