19:59 27 Аяк оона 2020
Түз эфир
  • USD79.4998
  • EUR92.6530
  • RUB1.0349
Коом
Кыскача шилтеме алуу
Россиянын коронавирус боюнча Кыргызстанга берген жардамы (39)
1775 0 0

Россиялык адистер жаш кызматкерлердин өз ишине берилгендигин жогору баалап, алар менен иштеп жатканда өздөрү үчүн дагы жаңы нерселерди алганын айтышты.

БИШКЕК, 12-авг. — Sputnik. Россиялык пульмонолог Лилия Козырева кыргызстандык жаш дарыгерлердин кайсы сапаттарына өзгөчө баа бергенин айтып берди.

Ал Sputnik Кыргызстан агенттигинин мультимедиалык маалымат борборунда өтүп жаткан "Кыргызстан бийлиги жана россиялык дарыгерлер: коронавирус менен андан ары кантип күрөшүү керек?" деп аталган брифингге катышты.

Козырева жаш медиктер коронавирусту дарылоо боюнча дүйнөдөгү эң акыркы маалыматтар менен кабардар экенин белгилеген.

"Кыргызстандын ар кайсы өлкөлөрдөгү илимий институттар менен тыгыз байланышы бар экен. Мен жаш адистер дүйнөнүн ар кайсы жагында болуп жаткан эң акыркы жаңылыктардан кабардар болуп турарын көрдүм. Кээде биз дарылоонун бул же тигил ыкмасын, илимий макалаларды көпкө чейин талкуулаган учурлар болду. Бул нерсе сиздердин жаштар практикалык жактан дагы, теориялык жактан дагы мыкты даярдыкта экенин көрсөттү", — деди пульмонолог.

Мындан тышкары, Козырева жаш адистерде жоопкерчилик өтө жогорку деңгээлде экенин кошумчалады.

Россиялык адис Кыргызстандагы COVID менен күрөш тууралуу жакшы кабар айтты

"Кыргызстандык кесиптештер менен иштегениме сыймыктанам. Абдан көп иштер жасалды. Учурда бейтаптарды оорудан кийин калыбына келтирүү практикасы башталды. Өзүм үчүн дагы көп жаңы нерселерди алдым", — деди адис.

Жергиликтүү дарыгерлердин ишин Башкыртстандын саламаттык сактоо министринин орун басары Евгений Кустов дагы жогору баалады. Ал Кара-Балта шаарындагы оорукананын жандандыруу бөлүмүнүн ишине токтолду.

"Бул шаарда биз өз ишинин чыныгы күйөрмандары менен тааныштык. Жандандыруу бөлүмүнүн башчысы бир жарым ай эс албай иштегенин уктук. Дарылоо ыкмалары туура, өлүмдүн саны минималдуу болуп жатты", — деди ал.

Россиялык медиктер кыргызстандык кесиптештерине жардам берүүгө келди. Сүрөт түрмөк

Пандемия башталгандан бери Россия Кыргызстанга ПЦР-тест, реагент, жеке коргонуучу каражат жана медициналык каражаттар жаатында кол кабыш кылып келе жатат. Ушул эле иш-чаранын алкагында жергиликтүү медиктерге жардам берүү үчүн Россиядан ондогон адистер келишкен.

Тема:
Россиянын коронавирус боюнча Кыргызстанга берген жардамы (39)

Тема боюнча

Россиялык дарыгерлер: кыргыз медиктери COVID-19ду дарылоону жакшы өздөштүргөн
Белгилер:
баа, дарыгер, пандемия, Россия, Кыргызстан

ЭҢ МААНИЛҮҮ