COVID: Ошто медициналык таштандылар үчүн контейнерлер орнотулду

© Sputnik / Максим Блинов / Медиабанкка өтүүВывоз мусора в Москве
Вывоз мусора в Москве - Sputnik Кыргызстан
Жазылуу
COVID-19дан үй шартында дарыланып жаткандардын үйүнөн чыгарылган медициналык таштандылар үчүн контейнерлер Ош шаарынын төрт жерине коюлду.

БИШКЕК, 11-авг. — Sputnik. Ош шаарында пневмония жана COVID-19 менен ооругандардын медициналык таштандылары үчүн атайын контейнерлер орнотулду. Бул тууралуу аталган муниципалитеттин маалымат кызматынан кабарлашты.

Андан сырткары таштанды полигонунда да атайын жайлар даярдалган.

"Пневмония жана COVID-19 менен ооругандар үчүн ачылган обсервациялардан, саламаттык сактоо мекемелеринен медициналык жана башка кооптуу таштандыларды санитардык эрежелердин негизинде жок кылуу үчүн таштанды полигонунда атайын чуңкурлар даярдалды", — деп айтылат маалыматта.

Оорукана менен стационардан чыккан медкалдыктар кантип жок кылынууда?

COVID-19дан үй шартында дарыланып жаткандардын үйүнөн чыгарылган медициналык таштандылар үчүн контейнерлер Ош шаарынын төрт жерине коюлду.

Алар төмөнкү даректерде:

  • Кулатов көч.,14 дарегиндеги үйдүн жанында;
  • Айтиев көч., 13 дарегиндеги үйдүн жанында;
  • "Семетей" кино театрынын жанында (ХБК);
  • Карл Маркс атындагы мектептин жанында.

Контейнерлерди "Ош-Тазалык" атайын адистештирилген муниципалдык ишканасы орноткон.

Жаңылыктар түрмөгү
0