02:22 10 Баш оона 2020
Түз эфир
  • USD77.0500
  • EUR91.1694
  • RUB1.0463
Коом
Кыскача шилтеме алуу
Коронавируска байланыштуу Кыргызстандагы кырдаал (2082)
202 0 0

Премьер-министр аймактарда калктын санына жараша дары-дармектердин запасын толтурууну, жетишпесе Дары-дармек менен камсыздоо департаментине кайрылууну тапшырды.

БИШКЕК, 7-июл. — Sputnik. Премьер-министр Кубатбек Боронов аймактарда дары-дармектердин запасы көбөйтүлө тургандыгын айтты. Бул тууралуу өкмөттүн маалымат кызматынан кабарлашты.

Билдирүүгө ылайык, өкмөт башчы Республикалык штабдын жыйынына катышып, учурда борбор калаада жаралган абал аймактарда кайталанбашы керектигин айтты.

"Бишкекте бейтаптардын саны көп болгондуктан ооруканалар бат эле толуп, стационарларда медициналык персонал жетишпей жатат. Ошондуктан аймактык бийлик коронавирус инфекциясына жана пневмонияга чалдыккандардын санынын өсүшүнө даяр болушу керек. Борбор калаада байкалган жагдайдын кайталанышына жол бербөө зарыл", — деди Боронов.

Жээнбеков облустар аралык каттамды токтотууну сунуштады

Премьер-министр ошондой эле аймактарда медицина кызматкерлеринин жетишсиздиги боюнча маселени да кароо зарыл экендигин белгиледи.

"Жер-жерлерде орто жана оор абалдагы бейтаптар үчүн керебет-орундарды даярдап, оорусу жеңил өтүп жаткандар үчүн күндүзгү стационарларды уюштуруу иштери турат. Ошол эле учурда ак халатчандардын маселесин чечүү керек. Себеби ансыз биздин аракеттерден жыйынтык болбойт. Азыр Бишкекте тамчылатма ийне саюучу, зарыл жардам көрсөтүүчү дарыгерлер жана медайымдар жетишпей жатат. Жер-жерлерде ушул маселелердин баары эске алынсын", — деди өкмөт башчы.

Кыйын кырдаалдан кантип чыгабыз? Жээнбеков берген тапшырмалардын тизмеси

Андан сырткары, аймактарда калктын санына жараша дары-дармектердин запасын толтурууну, жетишпеген учурда токтоосуз Дары-дармек менен камсыздоо департаментине кайрылууну тапшырды.

Өлкө аймагындагы соңку кабарлар менен биздин Telegram-каналдан таанышып туруңуз.

Тема:
Коронавируска байланыштуу Кыргызстандагы кырдаал (2082)

Тема боюнча

Боронов: ооруну жеңерибизге мен 100 пайыз ишенип турам, силер да ишенгиле!
Боронов: Роспотребнадзордун өкүлдөрү кыргыз медиктерине жардам берет
Белгилер:
аймак, Кубатбек Боронов, коронавирус, Кыргызстан

ЭҢ МААНИЛҮҮ