04:39 09 Теке 2020
Түз эфир
  • USD78.0266
  • EUR88.0062
  • RUB1.0953
Коом
Кыскача шилтеме алуу
Коронавируска байланыштуу Кыргызстандагы кырдаал (1806)
52 0 0

Райондук администрациянын имараты кечээтен бери жабык. Ал жакта дезинфекция иштери жүрүүдө. 26-майда кызматкерлердин бири коронавирус жуктуруп алды деп шектелген.

БИШКЕК, 27-май — Sputnik. Октябрь райондук администрация кызматкерлеринин эч кимисинен коронавирус аныкталган жок. Бул тууралуу Sputnik Кыргызстан агенттигине район башчысы Максим Ситников билдирди.

Эске салсак, кечээ, 26-майда, Октябрь райондук администрациясынын кызматкеринен коронавирус табылганы айтылган. Мекеме жабылып, ал жакта иштегендерден анализ алынган болчу.

Ситниковдун айтымында, акимиатта иштеген кызматкердин биринин дене табы көтөрүлгөндүктөн, Мамлекеттик санитардык-эпидемиология борборунун өкүлдөрү аны коронавируска текшеришкен. Бирок андан вирус аныкталган эмес.

"Имаратты дезинфекциялоо иштери кечээтен бери уланып жатат. Түштөн кийин акимиатта жумуш башталат", — деди аким.

Саламаттык сактоо министрлиги да аталган акимиатта иштегендерден коронавирус табылбаганын билдирди.

Кыргызстандагы COVID-19

Кыргызстанда коронавирус жуктургандардын жалпы саны 1520га жетти. Андан 1043 бейтап айыгып, он алты киши каза тапты.

11-майдан тарта айрым аймактардагы өзгөчө абал режими алынып, ал эми өлкө боюнча киргизилген өзгөчө кырдаалдын мөөнөтү узартылды. Бишкек, Ош шаарларында, Ат-Башы районунда жана Чаткал районунун Каныш-Кыя айыл аймагында карантин жарыяланды. Бул жергиликтүү бийликке кырдаалга жараша чектөөлөрдү киргизүүгө укук берет.

Өлкөдөгү абал тууралуу Sputnik Кыргызстан тексттик баяндама жүргүзүүдө.

Кабарларды ыкчам, ыңгайлуу шартта окуу үчүн Telegram каналыбызга баш багыңыз.

Тема:
Коронавируска байланыштуу Кыргызстандагы кырдаал (1806)

Тема боюнча

COVID-19: карантин шартын бузгандардан канча айып акча түшкөнү айтылды
Белгилер:
коронавирус, кызматкер, акимиат, Бишкек

ЭҢ МААНИЛҮҮ