Нарында COVID табылган 15 адамдын көбү жаңы төрөгөн келиндер

© Sputnik / Табылды КадырбековДеятельность клинического родильного дома №2 в Бишкеке
Деятельность клинического родильного дома №2 в Бишкеке - Sputnik Кыргызстан
Жазылуу
Бардык бейтаптар Нарын облустук бириккен ооруканасына жаткырылды. Алардын абалы канааттандырарлык.

БИШКЕК, 14-май — Sputnik. Акыркы суткада Нарын шаарында 15 кишиден COVID-19 аныкталып, анын сегизи жаңы төрөгөн аялдар болуп чыкты. Бул тууралуу Республикалык штабдан кабарлашты.

Маалыматка ылайык, 15 учурдун бирөө медицина кызматкери болсо, сегизи жаңы төрөгөн аялдар, калган алтоо туугандары менен байланышта болгондор.

"Бардык бейтаптар Нарын облустук бириккен ооруканасына жаткырылды. Абалдары канааттандырарлык. Облустук оорукананын төрөт бөлүмүндө жаңы төрөгөн сегиз аял ымыркайлары менен, 7 кош бойлуу аял көзөмөлдө. Оорукана толук дезинфекцияланып, персонал алмашты", — деп айтылат билдирүүдө.

Жалпысынан облустук оорукананын төрөт бөлүмүндө 11 медицина кызматкеринин (акушер, медайым, санитардык кызматкерлер) коронавирус жуктурганы айтылды.

Нарын облусунда коронавирус кулач жайып баратат. Акыркы суткада дагы бул аймакта 15 кишиден вирус аныкталып жалпы саны 152ге жетти. Мындан улам Бишкектен аталган аймакка медиктердин тогузунчу тобу жөнөтүлдү

Коронавирустун кесепети

Жалпы Кыргызстанда коронавируска кабылгандардын саны 1082ге жетти. Анын ичинен 735и айыкса, 12 адам көз жумган.

Шаардык клиникалык оорукананын реанимация бөлүмүнүн дарыгерлери. Архив - Sputnik Кыргызстан
COVID-19 менен алышкан медиктер. Мартка каралган 38,8 млн. сом дарегине жеттиби?
11-майдан тарта айрым аймактардагы өзгөчө абал режими алынып, ал эми өлкө боюнча киргизилген өзгөчө кырдаалдын мөөнөтү узартылды. Бишкек, Ош шаарларында, Ат-Башы районунда жана Чаткал районунун Каныш-Кыя айыл аймагында карантин жарыяланды. Бул жергиликтүү бийликке кырдаалга жараша чектөөлөрдү киргизүүгө укук берет.

Өлкөдө учурда абал кандай болуп жатканын Sputnik Кыргызстан агенттиги жүргүзгөн тексттик трансляциядан билүүгө болот.

Кабарларды ыкчам, ыңгайлуу шартта окуу үчүн Telegram каналыбызга баш багыңыз.

Жаңылыктар түрмөгү
0