БИШКЕК, 16-апр. — Sputnik. Эртең мененкиге алынган маалымат боюнча, Кыргызстанда дагы 17 кишиге коронавирус жукканы аныкталды. Бул тууралуу брифинг учурунда саламаттык сактоо министринин орун басары Нурболот Үсөнбаев билдирди.
Анын айтымында, жаңы учурдун бешөө Бишкек шаарында, бирөө Ош облусунда, 11и Нарында катталган. Ушуну менен жалпы бейтаптардын саны 466га жетти. 17 кишинин жетөө аял, 10у эркек киши.
Кыргызстанда ушу тапта абал кандай болуп жатканын Sputnik агенттиги жүргүзгөн тексттик трансляциядан билүүгө болот.
