03:16 26 Бугу 2020
Түз эфир
  • USD73.6468
  • EUR80.2603
  • RUB1.0246
Коом
Кыскача шилтеме алуу
Коронавируска байланыштуу Кыргызстандагы кырдаал (1413)
201 0 0

Министрдин айтымында, социалдык төлөмгө каралган каражат шаардык, райондук башкармалыктарга которулду. 7-8-апрелде алар банк, почталарга жөнөтсө, 9-апрелден тарта социалдык төлөмдөр бериле баштайт.

БИШКЕК, 7-апр. — Sputnik. Социалдык төлөмдүн бардык түрү убагынан кечиктирилбей берилет. Бул тууралуу эмгек жана социалдык өнүктүрүү министри Улукбек Кочкоров брифинг учурунда билдирди.

Ведомство жетекчисинин айтымында, Финансы министрлиги тарабынан бир айлык чыгым каржыланып, 800 миллион сом бөлүнгөн.

"Бул маселе боюнча банк, "Кыргыз почтасы" жана жергиликтүү бийлик өкүлдөрүнө тиешелүү тапшырмалар берилди. Финансы министри тарабынан бир айлык чыгым каржыланып, 800 миллион сом бөлүндү. Ал каражатты шаардык, райондук башкармалыктарга которуп бердик. 7-8-апрелде алар банк, почталарга жөнөтсө, 9-апрелден тарта тиешелүү кызматтар социалдык төлөмдөрдү жеткирип берет", — деди министр.

Кочкоров жөлөк пулдарды чегерген мөөнөт бүтүп калса да, бул кырдаалдан чыкканга чейин бардык социалдык төлөм автоматтык түрдө төлөнүп турарын кошумчалады.

Министр "Жардам" штабы республика боюнча жардамга муктаж болгон 49 245 жарандарды азык-түлүк менен камсыздаганын, штабга 210 779 кайрылуу келип түшкөнүн айтып өттү.

"Министрликтин депозиттик эсебине 6 миллион 466 миӊ 962 сом 39 тыйын түштү. Комиссия ушул суммадан Чүй менен Бишкекте турган 11 916 аз камсыз үй-бүлөнү азык-түлүк менен камсыздоого акча бөлүп берүү боюнча чечим кабыл алды. Бул жардам Бишкек шаарынын жана Чүй облусунун аймагындагы статусу жок жаңы конуштарда каттоосуз жашаган жарандарга берилет", — деди Кочкоров.

Кыргызстандагы коронавирус

Учурда Кыргызстанда коронавирус жуктурган адамдардын саны 228ге жетти. Анын ичинен төрт киши көз жумуп, 23ү ооруканадан айыгып чыкты. Такталган маалымат боюнча, 19 медик вируска кабылды.

Бишкек, Ош, Жалал-Абад шаарлары менен Сузак, Кара-Суу, Ноокат райондоруна 25-марттан 15-апрелге чейин өзгөчө абал киргизилди. Бул аймактарда саат 20:00дөн 7.00гө чейин көчөгө чыгууга тыюу салынган. Күндүз ооруканага, дарыканага жана дүкөнгө гана барууга уруксат берилген.

Ушу тапта өлкө ичинде абал кандай болуп жатканын Sputnik Кыргызстан жүргүзгөн тексттик баяндамадан билүүгө болот

Тема:
Коронавируска байланыштуу Кыргызстандагы кырдаал (1413)

Тема боюнча

Эртең дистанттык окуу башталат. Сабактар канча мүнөткө созулат? 10 суроого жооп
Ошто гумжардам алчулар кайда кайрылса болот? Телефондор
БАЭ Кыргызстандын айыл чарба продукцияларын импорттоого кызыкдар болууда
Белгилер:
жөлөк пул, төлөм, Улукбек Кочкоров

ЭҢ МААНИЛҮҮ