16:59 11 Бештин айы 2019
Түз эфир
  • USD69.8500
  • EUR77.4252
  • RUB1.0989
Экс-министр Алмазбек Атамбаев. Архивдик сүрөт

Өзү биринчи укуктук талаага кайтсын! ИИМ Атамбаевдин иши боюнча билдирүү таратты

© REUTERS / Vladimir Pirogov
Коом
Кыскача шилтеме алуу
330 0 0

ИИМ Атамбаевди суракка чакырууга жетишерлик негиз бар экенин дагы бир жолу белгиледи.

БИШКЕК, 2-авг. — Sputnik. Ички иштер министрлиги Алмазбек Атамбаевдин адвокаты Сергей Слесаревдин келтирген жүйөсүн туура эмес деп баалап, түшүндүрмө берди.

Буга чейин адвокат мурунку президентти суракка чакыруу мыйзамсыз экенин белгилеп, "бийлик укуктук талаага кайтсын" деп айткан.

ИИМдин маалыматында кылмыш иши боюнча чогулган материалдарда Атамбаев кримтөбөл Азиз Батукаевдин бошотулушу боюнча кабардар болгону туурасында жетиштүү далилдер бар экени айтылат. Мындан улам ал бир нече жолу күбө катары Тергөө кызматына сурак берүүгө чакырылган.

Ошондой эле Атамбаев Жазык кодексинин 82, 84 жана 13-беренелерине таянуу менен суракка чакырылып жатканы айтылат. Анда ишти тергөөдө негизги далил катары шектүүнүн, айыпкердин, жабырлануучунун жана күбөнүн көрсөтмөсү каралат. Күбө ким экенине карабай тиешелүү иш боюнча суралышы керектиги белгиленген.

"Укуктук талаага кайтуу боюнча "адвокаты, өкүлүмүн" деген Слесаревдин дооматы боюнча айтсак. Тергөө кызматынын Атамбаевдин өкүлү экенин далилдөөчү ишеним катты көрсөтүү талабын Слесарев аткарган эмес. Слесарев адвокат катары кайрылууларды жазып жатат. Ал күбөнүн жактоочусу экенин далилдөөчү ордери жок туруп, бүгүнкү күндө жактоочу катары даттанып же билдирүү жасаганга акысы жок. Буга байланыштуу Слесарев өзү укуктук талаага түшүп, тергөө кызматына жактоочу болууга укук ала турган ордерди таштап кетиши керек", — деп жазылат маалыматта.

Эске салсак, Жогорку Кеңеш Алмазбек Атамбаевди кол тийбестигинен ажыраткан. Башкы прокурор Өткүрбек Жамшитов парламенттеги депутаттык комиссия койгон алты күнөөнүн бешөө негиздүү экенин ырастап, бул боюнча өзүнүн корутундусун дагы билдирген.

Буга чейин Батукаевдин өлкөдөн мыйзамсыз чыгып кетиши боюнча козголгон иштин алкагында Алмазбек Атамбаев күбө катары үч жолу суракка чакырылган, бирок экс-президент "бийлик алгач укуктук талаага келсин" деп барбай койгон. Кийинчерээк ал адвокаты аркылуу кат түрүндө жооп берүүгө даяр экенин билдирген.

Тема боюнча

Кыргызстанда күбөнү суракка кайсы учурда мажбурлап алып келет. Юристтин жообу
Башкы прокуратура Атамбаевдин койгон шартына жооп берди
Белгилер:
билдирүү, ИИМ, сот, сурак, Алмазбек Атамбаев

ЭҢ МААНИЛҮҮ