16:40 23 Баш оона 2019
Түз эфир
  • USD69.7882
  • EUR77.2311
  • RUB1.0638
Алия Назарбаева менен Айдар Акаевдин тоюнан. Сүрөттө ата-энелери Казакстан президенти Нурсултан Назарбаев (солдо) жана жубайы Сара, ошондой эле Кыргызстандын президенти Аскар Акаев жубайы Майрам менен үйлпөттүн расмий бөлүгүнөн кийин. Той Кыргызстандын Чолпон-Ата шаарында өткөн. 1998-жылдын 19-июлу.

Назарбаевдин Фрунзедеги жаштыгы жана Ысык-Көлдөгү резиденциясы

© AFP 2019 / STR / RTR POOL
Коом
Кыскача шилтеме алуу
Нурсултан Назарбаевдин отставкасы (22)
3409 0 0

Казакстандын тунгуч президентинин Кыргызстан менен байланышы арбын. Кыргыз жергесинде эс алып, кайсы бир маалда куда-сөөк да болгонбуз.

БИШКЕК, 20-мар. — Sputnik. 19-март күнү казак элине кайрылуу жасап Нурсултан Назарбаев президенттиктен кетип жатканын жар салган. Коңшу өлкөнү 30 жылга чукул башкарган Назарбаевдин Кыргызстан менен да байланышы арбын.

Кыргызстандык достору

Назарбаев Кыргыз ССРи менен чектешкен аймакка жакын жашачу, мындан улам коңшу жердин тургундары менен жакшы тааныш эле. ЖМКлар жазгандай, ал Фрунзеге бир нече жолу келген. Алардын катарында досу Марат Акматаевдин үйлөнүү тоюна келип кеткен.

Аскар Акаевдин кудасы болчу

1998-жылдын 18-июлунда ошол кездеги Кыргызстандын президенти Аскар Акаевдин улуу баласы Айдар Нурсултан Назарбаевдин кичүү кызы Алияга үйлөнгөн. Бирок 2001-жылы жубайлардын ажырашып кеткени белгилүү. Буга бир нече себептер айтылган, арасында жаштардын мүнөздөрүнүн туура келбей калышы жана Айдардын Казакстанда жашоого макул болбогону да бар.

Назарбаевдин мектептери

2013-жылы Казакстан Бишкек менен Ош шаарларында ар бири 500 орунга ылайыкташкан эки мектеп курууга 1,2 миллиард тенге (болжол менен 6,6 миллион доллар) бөлгөн. Оштогу мектептин "Жетиген" деген расмий аталышына карабастан эл ичинде "Назарбаевдин мектеби" деп айтылып келет.

Ысык-Көлгө бат-баттан келчү

Көлдүн жээгинде Назарбаевдин резиденциясы бар, бул жакка "елбасы" байма-бай каттап турчу. Белгилей кетчү жагдай, 2015-жылы ошол кездеги президент Алмазбек Атамбаев тамаша-чынга аралаш көлдүн жээгине резиденция куруп, ошол жакта жашоону сунуштаган.

Тема:
Нурсултан Назарбаевдин отставкасы (22)

Тема боюнча

Нурсултан Назарбаев эми эмне менен алектенерин айтты
Казакстанды 30 жылга чукул башкарды... Нурсултан Назарбаев тууралуу 15 факты
Назарбаев ата кетип калды... Шолоктоп ыйлаган казак кыздын видеосу
Белгилер:
Казакстан, Кыргызстан, Аскар Акаев, Нурсултан Назарбаев

ЭҢ МААНИЛҮҮ