23:52 14 Бештин айы 2019
Түз эфир
  • USD69.8482
  • EUR78.0693
  • RUB1.1166
Кара-Балтадагы Жунда заводу. Архивдик сүрөт

"Кырк чоронун" активисттери кытай жумушчуларынын документин текшерди

© Фото / пресс-служба Госэкотехинспекция КР
Коом
Кыскача шилтеме алуу
394 0 0

Активисттер Миграция кызматынын өкүлдөрү менен биргеликте Кара-Балтадагы "Жунда" заводунда иштеген кытайлык жумушчулардын паспортун, уруксат кагаздарын, визасын текшеришти.

БИШКЕК, 16-янв. — Sputnik. Мамлекеттик миграция кызматы жарандык активисттер менен биргеликте чет өлкөлүк жарандар иштеген ишканаларды кыдырып келди. Бул тууралуу аталган кызматтан кабарлашты.

Билдирмеге караганда, тийиштүү өкүлдөр Чүй облусундагы чет элдик жарандар иштеген эки ишканага барышкан.

"Делегация Кара-Балта шаарындагы нефтини кайра иштетүүчү "Жунда" заводуна барды. Ишкананын аткаруучу директору Алтынбек Садырбаевдин айтымында, заводдо миңге чукул адам эмгектенет. Алардын 300ү кытайлык, 600дөн ашыгы кыргызстандыктар. Чет элдик жумушчулардын бардыгынын тийиштүү документтери бар экени белгиленди", — деп айтылат маалыматта.

"Кырк чоро" коомдук кыймылынын активисттери Миграция кызматынын өкүлдөрү менен биргеликте документтерди текшерүү ишине катышкан.

"Активисттер заводдо эреже бузуулар жок экенине ынанышты", — деп белгиленет маалыматта.

Ошондой эле Мамлекеттик миграция кызматынын чет өлкөлүк жарандар менен иштөө бөлүмүнүн башчысы Бактыбек Кудайбердиев чет өлкөлүк жарандардын өлкө аймагында жүрүүсүнө киргизиле турчу жаңы эрежелер тууралуу да айтып берген.

"Биз тараптан жергиликтүү жана чет өлкөлүк жумушчулардын катышы 80 жана 20 пайызды түзгүдөй мыйзамдык актылар даярдалып жатат. Ошондой эле ар бир чет өлкөлүк жумушчу үчүн иш берүүчүлөр Социалдык фондго которгон каражаттын суммасы жогорулатылат. Биздин божомол боюнча анын негизинде казынага кошумча 200 миллион сомдой түшөт", — деди Кудайбердиев.

Аткаминерлер менен активисттер мындан башка Шопоков шаарындагы металл буюмдарын чыгарган "Лахор Стил Милс" кыргыз-пакистан ишканасына барышкан. Анда 120 адам эмгектенсе, 80и — кыргызстандыктар. Компаниянын менеджери Роми Мухаммад бардык чет өлкөлүк жумушчулардын тизмесин көрсөтүп берген.

Ошондой эле Сокулук райондук ооруканасына наркы 40 миң долларлык кардиоэхограмма сатып берилгенин айтып, медикаменттер үчүн каражат бөлүнгөнүн кошумчалаган.

Тема боюнча

Кыргызстандык мигрант кыздын жан чыдагыс жашоосу. "Айка" тасмасынын трейлери
Өзгөн элин таза суусуз калтырган кытай компаниясына өкмөт чара көрмөй болду
Белгилер:
кырк чоро, Мамлекеттик миграция кызматы, Чүй облусу

ЭҢ МААНИЛҮҮ