15:59 21 Бугу 2019
Түз эфир
  • USD69.8500
  • EUR77.9212
  • RUB1.0831
Бүркүт. Архивдик сүрөт

Чочуп калыптыр. Бишкектин чок ортосунан жоголгон бүркүт табылды

© Фото / предоставлено Бегимай Мукашевой
Коом
Кыскача шилтеме алуу
53510

Үч жаштагы Чагылган аттуу бүркүт шоу-программа учурунда асманга учуп кеткен бойдон кайрылган эмес.

БИШКЕК, 2-май — Sputnik. Өткөн аптанын аягында Бишкек шаарынын чок ортосунан жоголуп кеткен бүркүт табылгандыгын Sputnik Кыргызстан агенттигине Этно-маданий туристтик "Ысык-Көлдүн тескей жээк" дестинациясынын аткаруучу директору Бегимай Мукашева билдирди.

Эске салсак, үч жаштагы Чагылган аттуу бүркүт Бишкектеги Hyatt Regency мейманканасында өтүп жаткан шоу-программа учурунда асманга учуп кеткен бойдон кайрылган эмес.

"Жоголгондон эки күн өткөндөн кийин Бишкектин тургуну чалды. Ал сайттан бүркүт тууралуу окуп, телефон номерибизди ошол жактан алыптыр. Көрсө бүркүттү анын балдары кармап алышкан экен. Келип алып кеткиле деп дарегин айтты эле дароо бардык. Бейтааныш адамдардан чочуп калган окшойт, айтор, алгач башкача болуп жатты. Бирок эртеси күнү эле мүнүшкөрдүн колуна эч нерсе болбогондой койкоюп конуп калыптыр. Абдан кубандык", — деди Мукашева.

Ошондой эле ал кушту издеп жатканда байланышып, өз божомолдорун айтып, моралдык колдоо көрсөткөндөргө ыраазычылык билдирди.

Тема боюнча

Бишкектин чок ортосунан бүркүт жоголуп кетти
Белгилер:
ыраазычылык, бүркүт, Бишкек

ЭҢ МААНИЛҮҮ