БИШКЕК, 13-авг. — Sputnik. Кыргыз-казак чек арасында ок тийип каза болгон адам Казакстандын жараны болуп чыкканын Sputnik Казакстан маалымат агенттиги билдирди.
12-август күнү кечинде кыргыз-казак чек арасынан 15ге чукул белгисиз адам оролгон зымдан өтүүгө аракет кылып жаткан жеринен кармалган. Бирок алар чек арачыларга каршылык көрсөтүп, күзөтчүлөрдүн ден соолугуна залака тийгизген. Мындан улам чек арачылар ок чыгарып бирөөсүн жарадар кылган. Ошентсе да алар качып кетүүгө үлгүргөн. Кийинчерээк жаракат алган адам көз жумганы маалым болгон.
Учурда Тараз аймагында чек ара кызматын күзөтүү күчөтүлүп, качып кеткен адамдарды издөө жана алардын ким экендигин тактоо иштери жүрүп жатат.
