БИШКЕК, 5-авг. — Sputnik. Мамлекеттик чек араны тактоо боюнча кезектеги жыйынга катышуу үчүн КР өкмөтүнүн делегациясынын жумушчу тобу Өзбекстандын Наманган шаарына жөнөп кетти. Бул тууралуу өкмөттүн маалымат кызматы билдирди.
Жыйын 5-13-август күндөрү өтөт.
"Сүйлөшүүлөр кайрадан жүргүзүлө баштагандан тартып, 2016-жылдын август айынан 2017-жылдын августуна чейин тараптардын өкмөттүк делегациялары он беш жолу жолугушуу өткөргөн", — деп жазылат маалыматта.
Бардык жолугушуулар конструктивдүү жана достук маанайда өтүүдө. Жумушчу топтордун кезектеги жолугушуусунан кийин тиешелүү протоколго кол коюлат.
