БИШКЕК, 22-мар. — Sputnik. Өзгөчө кырдаалдар министри Кубатбек Боронов Ат-Башы районунун Ак-Сай аймагындагы жолду ачуу аракеттерин көзөмөлдөө үчүн Нарын облусуна келди. Бул тууралуу аталган министрликтин маалымат кызматы билдирди.
21-мартка карата аталган автожолдун 79 чакырымы тазаланган, учурда тазалоо иштери жүрүп жатат. Ошондой эле кошумча жардам берүү үчүн Куралдуу күчтөрдүн Башкы штабынын жеңил зооттолгон автоунаасы тартылган. Ал эми 20-мартта ӨКМ жардам берүү үчүн Ак-Сай өрөөнүнө куткаруучуларды жөнөткөн. Алар жол ачылганга чейин жабыр тарткандарга керектүү жардамды көрсөтүп турушат.
"21-мартта ӨКМдин райондук бөлүмүнүн кызматкерлери, дарыгерлер, айыл-чарба адистери 13-мартта Ак-Сай өрөөнүнө тоют жеткирип кеткен айдоочуларга азык-түлүк менен камсыздоо үчүн чыгып кетишти", — деп айтылат маалыматта.
Андан сырткары, министрлик гуманитардык жардам катары жууркан-төшөк, идиш-аяк берген.
Ошондой эле кошумча жардам берүү үчүчн Куралдуу күчтөрдүн Башкы штабынын жеңил зооттолгон автоунаасы тартылган.
