БИШКЕК, 9-янв. — Sputnik. Ноокатта жер тилке Өзбекстандын жарандарына сатылган эмес. Бул тууралуу Sputnik Кыргызстан агенттигине өкмөттүн Ош облусундагы өкүлчүлүгү билдирди.
Буга чейин Turmush жергиликтүү тургунга шилтеме берүү менен айыл өкмөт болуп иштеген Нармахаммад Юлчиев өзбек жарандарга 130 гектар жер сатып жибергендигин жазып чыккан. Ал эми Юлчиев маалыматты четке кагып, бул кадамды шайлоо алдындагы айыл өкмөтүн каралоо деп баалаган.
"Маселе иликтенип чыкты. Эч кандай жер сатылган эмес", — деп билдирди өкүлчүлүк.
Анткен менен күч органдары аталган маалыматты иликтөөнү улантууда.
