Алыкул Осмоновдун 200 сомго түшүрүлгөн сүрөтү социалдык тармакта сынга алынды

© Фото / пресс-служба Национального банка КРАлыкул Осмоновдун 200 сомго түшүрүлгөн сүрөтү
Алыкул Осмоновдун 200 сомго түшүрүлгөн сүрөтү - Sputnik Кыргызстан
Жазылуу
Шейшемби күнү Кыргызстандын Улуттук банкы жаңыланган сомдун үлгүлөрүн көрсөткөн. Ал интернет колдонуучулар арасында нааразычылыктарды жаратты. Алар 200 сомго түшүрүлгөн Алыкул Осмоновдун көзү чалыр болуп калганын айтышкан.

БИШКЕК, 7-дек. — Sputnik. Дизайнер Никита Тарасенко жаңыланган сомдун жасалгасы купулуна толбой калганын социалдык тармакка жазып, #НарисуйтеНормальныеДеньги хэштеги менен флешмоб баштады.

Шейшемби күнү Кыргызстандын Улуттук банкы жаңыланган 200, 500 жана 1000 сомдун үлгүлөрүн көрсөткөн. Жаңы акчалар колдонууга 1-январдан тарта чыгат.

Интернет колдонуучулар 200 сомго түшүрүлгөн Алыкул Осмоновдун көзү чалыр болуп калганын белгилешүүдө.

Дизайнер Тарасенко Алыкул Осмоновдун сүрөтүн тарткандарды сынга алган.

"Керек болсо оңчулуктуу да тарта алышпайт. Алыкул Осмоновду карагылачы! Ал чалыр болуп калыптыр. Жаман тартылган", — деп жазды ал.

Өз кезегинде Sputnik Кыргызстан маалымат агенттиги Улуттук банкка жаңы купюралардын дизайны боюнча түшүндүрмө берүү боюнча кат жөнөттү.

Жаңылыктар түрмөгү
0