Алиев Шаршеналы Алиевич — өмүр баяны
02:59 02.11.2021 (Жаңыртылды: 14:27 14.12.2021)
© Фото / из личного архива Шаршеналы Алиева
Жазылуу
Шаршеналы Алиев 1951-жылдын 28-февралында Нарын (Куланак) районундагы Пионер (Жылан арык) айылында туулган. Кыргыз улуттук университетинин механика-математика факультетинде окуган.
Эмгек жолу:
- 1974-1984 — В.В.Маяковский атындагы Кыз-келиндер педагогикалык институтунун физика-математика факультетиндеги Жогорку математика кафедрасынын мугалими;
- 1984-1992 — Айыл чарба институтунун Жогорку математика жана теориялык механика кафедрасында мугалим;
- 1992-2008 — Кыргыз мамлекеттик педагогикалык университетинин математика жана табигый билимдер кафедрасынын башчысы, педагогика факультетинин деканы, математика жана аны окутуу технологиясы кафедрасынын докторанты, колледждин директору, илим изилдөө институтунун директору;
- 2008-2011 — Махмуд Кашгари–Барскони атындагы Чыгыш университетинин окуу жана илим изилдөө иштери боюнча биринчи проректору, ректору;
- 2011-2021 — Кыргыз мамлекеттик университетинде Илим изилдөө борборунун директору, жаңы информациялык технологиялар институтунун директору, кафедра башчысы, Илимий-методикалык борборунун жетекчиси, математика жана аны окутуу технологиялары кафедрасынын профессору;
- 2021 — "Ата Мекен" партиясынын мүчөсү.
Шаршеналы Алиев физика-математика илимдеринин кандидаты, педагогика илимдеринин доктору, "математика" адистиги боюнча профессор.
120дан ашуун илимий-методикалык эмгектердин автору. Анын ичинде 2 монография, 8 китеби жана окуу куралдары, 7 методикалык колдонмолор жана илимий-методикалык макалалар (макалалардын айрымдары Германиянын, Россиянын, Казакстандын жана Өзбекстандын атайын журналдарында жарыяланган).
